April 2025

Lesona 2: NY BOKIN'NY GENESISY, FOTOTRA - ilay fitsipiky " ny filazana voalohany"

Ny ankamaroan'ny fandaharam-pianarana any amin'ny oniversite dia manomboka amin'ny taranja ankapobeny (matetika omena ny laharana "101"), taranja mahafaoka Ireo foto-kevitra ankapobeny manan-danja, izay ho fototra iaingan'ny fianarana lalindalina kokoa arakaraka ny irosoana ao anatin'ilay lohahevitra. Toy izany koa, rehefa mamaky ny Baiboly manontolo isika, dia hahita fa manana taranja ankapobeny koa Andriamanitra ao amin'ny bokin'ny Genesisy, izay ampidirany hevitra izay hodinihina amin'ny tsipiriany kokoa manerana ny Baiboly manontolo.

Lesona 2: NY BOKIN'NY GENESISY, FOTOTRA - Fampidirana.

Hodinihina mandritra ny herinandro: Isa. 40:7,8; Gen. 22:1-13; Jao. 3:16; Apôk. 5:5-10; 1 Kôr. 15:15-19; Apôk. 12:1-9.

Tsianjery: "Nony ampitso dia nahita an'i Jesôsy avy manatona azy Jaona, ka hoy izy: "Indro ny Zanak'ondrin'Andriamanitra, Izay manaisotra ny fahotan'izao tontolo izao!" - Jao. 1:29.

Diniho tsara ny foto-pinoana tsirairay

 "Nitodika aho, ka nampiasaiko ny foko hahalala sy handinika ary hitady fahendrena sy izay anton-javatra ary hahafantatra ny faharatsiana ho fahadalana, ary ny fahadalana ho fahaverezan-tsaina." Mpitt. 7:25.

Fahazavana bebe kokoa hatrany

"Ary nampiasaiko ny foko mba hitady sy hikatsaka amim-pahendrena ny zavatra rehetra izay atao aty ambanin 'ny lanitra." - Mpitt. 1:13.

Ho an'izay mandalina ny haren-tsarobidy

"Raha mitady azy toy ny fitady volafotsy hianao, ary mikatsaka azy toy ny fikatsaka harena afenina, dia ho fantatrao marina ny fahatahorana an'i Jehôvah , ary ho hitanao ny fahalalana an 'Andriamanitra." - Ohab. 2:4,5.

Raiso ny Fanahy Masina

 "Aoka anie ho tonga eo anatrehanao ny fitarainako, Jehovah ô; Ampianaro aho araka ny teninao." - Sal. 119:169.

Miomàna ho amin'ny fiainana mandrakizay

"Mba homen'Andriamanitr’i Jesôsy Kristy Tompontsika, Rain'ny voninahitra, ho anareo ny fanahin 'ny fahendrena sy ny fanambarana amin’ny fahalalana Azy tsara, ary mba hampahiratina ny mason'ny sainareo (...)" Efes. 1:17,18.

Toetra ambony indrindra

"Aoka ny hendry tsy hirehareha amin'ny fahendreny, ary aoka ny mahery tsy hirehareha amin'ny heriny, ary aoka ny manan-karena tsy hirehareha amin'ny hareny." - Jer. 9:23.

Mangataha fahendrena amin'Andriamanitra

"Dia avy aiza ary ny fahendrena? Ary aiza no fitoeran'ny fahalalana?" — Jôba 28:20.

Mofon’aina:
Tsy maintsy hitolona amin'ny zava-tsarotra ianao, hitondra enta-  mavesatra, hanome torohevitra, hanao drafitra sy hanatanteraka izany, ary hitady ny fanampian'Andriamanitra mandrakariva. Mivavaha ary miasà, miasà ary mivavaha; tahaka ireo mpianatra tao amin'ny sekolin'i Kristy, mianara amin'i Jesôsy .

Ny Fanahy Masina no tsy maintsy manazava.

"Fa isika tsy nandray ny fanahin'izao tontolo izao, fa ny Fanahy Izay avy amin'Andriamanitra, mba ho fantatsika izay zavatra nomen 'Andriamanitra antsika." - 1 Kôr. 2:12. 

Mofon’aina: