April 2026

 "Finoana no naneken’i Abrahama, rehefa nantsoina, hiainga hankany amin 'izay tany ho azony ho lova; ka dia niainga izy, nefa tsy fantany izay halehany. - Heb. 11:8 

"Fa mahatoky ny Tompo, Izay hampahery sy hiaro anareo tsy ho azon 'ny ratsy." - 2 Tes. 3:3

Mofon’aina:
Firifiry moa ireo mamakivaky ny fiainana eo ambanin'ny rahon'ny fanamelohana! Tsy mino ny Tenin'Andriamanitra izy ireny. (...) Maro amin'ireo maniry ny hahita ny hafa hitsahatra ao amin'ny fitiavan'i Kristy izay mamela heloka no tsy mitoetra akory ao amin' izany fitsaharana izany. Ahoana àry no hitarihany ny hafa haneho finoana tsotra toy ny an'ny zaza (...) raha toa izy ka mandrefy ny fitiavan'ny Ray amin'ny alalan'ny fihetseham-pony?

 "Fa ao amin’i Kristy Jesôsy dia tsy mahasoa ny famorana na ny tsi-famorana, fa ny finoana izay miasa amin'ny fitiavana." - Gal. 5:6

"Ary mba ho hita ao aminy aho tsy manana ny fahamarinako, izay avy amin'ny lalàna, fa izay avy amin'ny finoana an'i Kristy, dia ny fahamarinan’Andriamanitra amin'ny .finoana." - Fil. 3:9

"Fa hoy Jesôsy: Nisy olona manendry Ahy: fa fantatro fa nisy hery nivoaka avy tamiko." - Lio. 8:46

Mofon’aina:
Misy karazam-pifandraisana roa eo amin'ny sampana sy ny voaloboka. Mamitaka sy ivelambelany fotsiny ny iray amin'ireo.

 "Tongava aminareo araka ny finoanareo." - Mat. 9:29

" Andriamanitra tsy mba olona ka handainga, na zanak’olombelona ka hanenina: moa efa nilaza va Izy, ka tsy hefainy? Na efa niteny va Izy, ka tsy hotoviny? " Nom. 23:19 

Mofon’aina :
Izay misalasala mandrakariva sy mitady porofo fanampiny mba hampisava ny rahon’ny tsy finoany dia tsy miorina amin’ny Tenin’Andriamanitra. Miankina amin’ny toe-javatra ny finoan’izy ireo, ary miorina amin’ny fihetseham-po. Kanefa ny fihetseham-po, na dia tsara aza, dia tsy finoana. Ny Tenin’Andriamanitra no fototra tokony hiorenan’ny fanantenantsika ny lanitra.

 "Fa ny fanantenana no amonjena antsika; nefa ny fanantenana hita dia tsy mba fanantenana intsony; fa ahoana no mbola anantenan'ny olona izay efa hitany? " Rôm. 8:24.

" Ary ny finoana no fahatokiana ny amin'ny zavatra antenaina, fanehoana ny zavatra tsy hita. Heb.11:1 

Mofon’aina:

"Tsy fanahy manompo va izy rehetra, nirahina hanao fanompoana ho an'izay handova famonjena? " Heb. 1:14.

Mofon’aina:
Anisan’ny asa ataon’ny anjelin’ny lanitra ny mamangy ny tanintsika sy manara-maso ny asan’ny Tompo izay napetrany eo an-tanan’ny mpitantana ny Fananany. Amin’ny fotoana ilana izany no anompoan’ireo ny mpiara-miasa amin’Andriamanitra, dia ireo izay mikely aina mba hampandroso ny Asany eto an-tany. Faly ireo tafiky ny anjely isaky ny misy ampahany amin’ny asan’Andriamanitra mandroso.