Vakio ny Sal. 60:1-5. Araka ny hevitrao, amin'ny fotoana toy inona io Salamo lo no mety hatao tonom-bavaka? Amin'ny tomba ahoana no ahatahantsika mahazo tombontsoa avy amin'ny Salamo fitarainana na dia ao anatin'ny fotoam- pifaliana aza isika?
Ny fandraisan'ny olona ankapobeny ny Salamo fitarainana dia vavaka ataon'ireo izay mandalo fotoan-tsarotra, na ara-nofo, na ara-tsaina, na ara-panahy, na izy telo.
Tsy midika anefa izany fa tsy azo atao ireny Salamo ireny ao anatin'ny fotoam- piadanana. Indraindray mety tsy hifanaraka velively amin'ny fanandramana iainan'lay mpivavaka ireo teny ao amin'ny Salamo. Raha lazaina amin'ny teny hafa dia izao: mety handray fitahiana avy amin'ny Salamo fitarainana koa ny mpivavaka na dia tsy ao anatin'ny olana aza izy.
Voalohany, mety hahatonga saina kokoa antsika izany fa efa ao anatin'ny fiainan'ny zanak'olombelona ankapobeny ny fahoriana, ary samy lanjadian izany na ny marina na ny ratsy fanahy. Manome toky antsika ny Salamo fa Andriamanitra no mifehy ny toe- javatra ary manome hery sy vahaolana ao anatin'ny fotoan-tsarotra Izy. Ao amin'io Salamo io, na ao anatin'ny fotoam-pahoriana aza ("Efa nampihorohoro ny tany Hianao" Sal. 60:2), dia maneho ny fanantenany farany ao amin'ny fanavotan Andriamanitra ilay mpanao Salamo.
Faharoa, mampianatra antsika ny Salamo fitarainana mba hangoraka ny mijaly. Eo am-panehoantsika ny fifaliantsika sy ny fankasitrahantsika an'Andriamanitra, indrindra eo anivon'ny besinimaro, dia mila mihevitra ireo izay tsy mba manana tombontsoa tahaka antsika isika. Ekena fa mety mandeha tsara ny flainantsika ankehitriny, saingy iza no tsy mahafantatra fa misy olona tena mijaly mafy eny amin'ny manodidina antsika rehetra eny? Ny fanaovantsika tonom-bavaka ireny Salamo fitarainana ireny dia manampy antsika tsy hanadino ireo izay mandalo ady sarotra. Tokony hanetsika fangorahana ao anatintsika ny Salamo, ary koa faniriana hiasa ho an'ireo mijaly tahaka ny nataon'i Jesosy.
"Hôpitaly midadasika ity izao tontolo izao ity, nefa tonga i Kristy nanasitrana ny marary, mba hitory fanafahana amin'ny babon'i Satana. Fahasalamana sy tanjaka Izy tenany. Nizara ny ainy tamin'ny marary, ny tra-pahoriana, ny manana demonia Izy. Tsy nisy nialany izay tonga mba handray ny heriny mahasitrana. Fantany fa izay nangataka fanampiana Taminy dia nanana aretina tao aminy, tsy nolaviny anefa ny hanasitrana azy ireo. Ary rehefa niditra tao amin'ireo fanahy mahantra ireo ny toetra tsara avy amin'i Kristy, dia resy lahatra ny amin'ny fahotany izy ireo, ka maro no sitrana tamin'ny aretiny ara-panahy sy tamin'ny aretiny ara-nofo. Mbola manana io hery io ny Filazantsara, ary nahoana moa isika no tsy tokony hahita vokatra mitovy amin'izany?" - WM, tt. 24,25.
Iza no olona fantatrao ankehitriny fa mila ny fitondranao azy amim-bavaka, ary tsy Izany ihany fa mila ny fanompianao mivantana koa?