Hodinihina mandritra ny herinandro: Sal. 119:1-16; Sal. 90; Jao. 3:16; Sal. 95:7-11; Sal. 141; Sal. 128.
Tsianjery: "Mampianara anay hanisa ny andronay, hahazoanay fo hendry."- teod libin Sal. 90:12.
Araka ny efa hitantsika dia manome famelan-keloka ny fahasoavan' Andriamanitra ary mamorona fo vaovao ao anatin'ilay mpanota mibebaka, izay miaina amim-pinoana izany.
Manome toromarika mba hananana fiainam-pahamarinana koa ny Tenin'Andriamanitra (Sal. 119:9-16). Tsy fitadiavam-pamonjena amin'ny asan'ny lalàna velively ny fitandremana ny lalàn'Andriamanitra fa fiainana mifandray ety amin'Andriamanitra, fiainana feno fitahiana (Sal. 119:1,2; Sal. 128).
Kanefa tsy ilaozan'ny fakam-panahy ny fiainan'ny olo-marina. Indraindray aza mety ho lavo amin'ny fakam-panahy izy ireo, izay mamandrika azy amin- kafetsena hanota (Sal. 141:2-4). Avelan'Andriamanitra hisy ny fitsapana mba hizahan-toetra ny fahatokian'ny zanany (na tsia). Raha mitandrina ny toromarika sy ny anatr'Andriamanitra ny zanany dia ho voadio ny finoany ary hohamafisina ny fitokiany amin'ny Tompo. Ny fanandramana miaraka amin'Andriamanitra eo anivon'ny fakam-panahy sy ny zava-tsarotry ny fiainana no hahazoana fahendrena hoenti-miaina amim-pahamarinana. Araka izany dia maneho fanoloran-tena mitohy mba handeha amim-pahatokiana amin'ny Tompo ilay vavaka ao amin'ny Sal. 90:12 hoe: "Mampianara anay hanisa ny andronay, hahazoanay fo hendry."