Vakio ny Sal. 42:8 sy ny boky "Fanabeazona laistianina". toko faha-17: "Tononkalo sy hira". Inona no ifandraisan'ny vavaka sy ny hira araka ireo lahatsoratra avy amin'ny tsindrimandrin' Andriamanitra ireo?
Manazava i Ellen G. White fa ny salamo fibebahana nataon's Davida (ohatra, ny Sal. 51) dia teny ambaran'ny fanahiny sy vavaka ataony izay maneho ny tena atao hoe: alahelo noho ny ota (DHK, it 25-28). Mandrisika ny mpino hitadidy andininy maro avy ao amin'ny Salamo i Ellen White mba hahatsapan izy ireo kokoa ny fanatrehan'Andriamanitra eo amin'ny fiainany, sy hanaovany tahaka ani Jesosy Izay nanandratra ny feony tamin'ny fanaovana salamo rehefa tojo fakam-panahy sy tebiteby mampahory. Hoy koa i Ellen White: "Impiry no efa niverimberina izany tantara izany teo amin'ny fiainana ara-panahy! Impiry ireo tonon-kira masina no efa nahatonga fibebahana sy finoana, fanantenana sy fitiavana ary fifaliana tao amin'ny fanahy! (...) Maro amin'ny hira tokoa mantsy no vavaka."-FK, tt. 180,186.
Rehefa ataontsika hira sy vavaka ny Salamo dia mifindra ao anatintsika ny fikirizana, ny fahasahiana, ny herim-po, ary ny fanantenan'ny mpanao salamo Mampahery antsika hanohy ny diantsika ara-panahy izany ary manome toky antsika fa tsy irery tsy akory isika. Misy olona sasany efa tao anatin'ny haizina, tahaka antsika, kanefa nivoaka ho mpandresy noho ny fahasoavan Andriamanitra. Manome topy maso antsika koa ny Salamo momba ny asa fanelanelanana lehibe ataon Kristy ho antsika; velona mandrakizay hanao fifonana ho antsika mantsy Izy (Heb. 7:25).
Ny fampiasana ny Salamo ao anatin'ny vavaka sy ny fanompoam-pivavahana dia mahatonga ny mpianakavin'ny finoana hahafantatra ny amin'ny fanandraman'ny olombelona ankapobeny, ary mampianatra ny mpivavaka hihevitra ireo lafiny isan- karazany amin'izany fanandramana izany ao anatin'ny fanompoam-pivavahana Hira sy vavaka avy amin'Andriamanitra sy ny olombelona ny Salamo. Vokatry ny fampidirana tsy tapaka ny Salamo ao anatin'ny vavaka dia manjary mahalala ny sitrapon Andriamanitra sy ny fahasoavany manasitrana ny mpino.
FANONTANIANA hifanankalozan-kevitra
- Nahoana no tsy ny vavaka tora-po (na vavaka tsy misy tari-dalana) ihany no fomba fivavaka? Ahoana no mety hahazoanhsika tombontsoa avy amin'ny Salamo (Izay vavaka ara-Baiboly) eo amin'ny fainam- pivavahantsika?
- Manatsara ny vavaka lombonantsika amin'ny besinimaro ny Salamo. amin'ny fomba ahoana? Mifanakaloza hevitra mikasika ireo fombatsotra azon'ny flangonanao andrisihana ny fampiasana ny Salamo mandritra ny fanompoam-pivavahana?
- Inona no ambaran'ny Salamo momba ny hasarotry ny dlan'ny mpino sy ny herin'Andriamanitra manasitrana?