Misy tantara iray avy ao amin'ny TT koa resahin'i Petera rehefa manoritsoritra ireo tranga amin'ny andro farany izy, dia ny fandravana an'i Sodoma sy Gomora. Nanjary nikoizana npho ny faharatsiany ireo tanana teo amin'ny lemaka, ary tonga ohatra voalohany ny amin'ny tanana be mponina izay noravan'ny afo avy any an-danitra.
Vakio ny 2 Pet. 2:4-11, Joda 5-8, sy ny Ezek. 16:46-50, ary mariho ny tsipiriany rehetra. Nanao ahoana ny fitondran-tenan'ny olona, izay nitarika ho amin'ny fandravana fan Ireo tanana ireo? Inona ny zava-misy mitovy amin'izany ankehitriny?
Mazava ny fampitandremana omena ny olona amin'ny andro farany eto amin'ity tany ity, amin'ny alalan'ny tantaran'i Sodoma sy Gomora: haringana amin'ny afo koa ny ratsy fanahy amin'ny farany, araka ny voalaza ao armin'ny Apôk. 20. Mamitaka tokoa ny ota satria manajamba antsika tsy hahita ny toetry ny fontsika, manarontsarona ny fahadisoantsika ao ambadiky ny fanamarinan-tena, kanefa matetika hitantsika mivandravandra kosa ny ratsy ataon'ny hafa. Tsy maintsy mampitandrina ny firenena koa Andriamanitra ao amin'ilay toko izay iresahany ny amin'ny fitiavana mitafotafo itiavany io fireneny io, na dia tsy mitovy aza ny heloka vitany (Ezek. 16:47), fa raha ny marina dia ratsy kokoa noho i Sōdōma izy.
Nijangajanga ny Isiraely (Ezek. 16:41), nijangajanga ara-panahy. Saino ny hatairan'ny vahoakan'Andriamanitra rehefa nandre fa ratsy lavitra noho ireo mponina nalaza ratsy indrindra izy ireo.
Tsy zava-baovao izany, na ho an'ny Isiraely fahiny na ho an'ny taranak'olombelona manontolo. Manao lisitra lava i Paoly ao amin'ny Rôm. 1:18-32, momba ny haratsian'ny olombelona izay toa avy amin'ny gazety ankehitriny. Tsy natao hampanandra-tena ny Jiosy akory ny filazalazan'i Paoly ny fahotan'ny Jentilisa fa mba hahatakarany ny maha-lehibe ny fahotan'izy ireo koa. Toy izany no nataon'i Natana rehefa niresaka tamin'i Davida izy: tantaran'ny lehilahy manan-karena iray nangalatra ny zanak'ondrin'ny lehilahy mahantra iray no nolazainy taminy. Nampirehitra ny fahatezeran'i Davida io tantara io (2 Sam. 12:5), satria toa niharihary taminy ny tsy rariny. Kanefa raha tsy ny fanambaran'i Natana hoe: "Hianao no izy" (2 Sam. 12:7), dia tsy fantatr'i Davida ny helony.
Zava-dehibe ny ahatsiahivantsika fa tsy izao tontolo izao any ivelany no nanoratana voalohany indrindra ny Baiboly fa ny vahoakan'Andriamanitra. Rehefa mahita ny fahotana mahatsiravina ataon'ny hafa voalaza ao amin'ny Soratra Masina isika, toy ny Apokalipsy 13 na 17, dia fampitandremana ho antsika izany fa mety ho latsaka amin'izany fandrika izany koa isika.