VM, toko 32, "Fiangonana malala-tanana".
"Izay manana ny fony feno ny fitiavan'i Kristy, dia hanaraka ny ohatr'llay nanjary mahantra, mba hampanan-karena antsika ny fahantrany. Ny vola, ny fotoana, ny hery miasa mangina dia samy fanomezana noraisiny avy eo am-pelatanan'Andriamanitra ary tsy hisy vidiny izany raha tsy ampiasaina ho fitaovana hoenti-mampandroso ny asan'ny Filazantsara. Toy izany ny tao amin'ny fiangonana voalohany; ary rehefa hita ao amin'ny fiangonana ankehitriny fa nanala ny fitiavany tsy ho eo amin'ny zavatra eo amin'izao tontolo izao ny mambra noho ny herin'ny Fanahy, ka sitrapony ny hanao fahafoizan-tena mba hahazoan'ireo mpiara-belona aminy mandre ny Filazantsara, amin'izay dia hanan-kery indrindra amin'ny mpihaino ireo fahamarinana notorina." - VM, tt. 65,66.
"Tsy mila ny fanatitsika ny Tompo. Tsy afaka mampanan-karena Azy amin'ny alalan'ny fanomezana atolotsika Azy isika. Hoy ny mpanao Salamo: 'Fa avy Aminao ny zavatra rehetra, ary avy Aminao ihany no nanomezanay Anao.' - 1 Tant. 29:14. Avelan'Andriamanitra haneho ny fankasitrahantsika ny fahatsarany anefa isika, amin'ny alalan'ny ezaka feno fahafoizan-tena, ka hampita izany fahatsarany izany amin'ny hafa. lo no fomba tokana ahafahantsika maneho ny fankasitrahantsika sy ny fitiavantsika an'Andriamanitra. Tsy nisy fomba hafa nomeny ankoatra io." - TFM, t. 16.
"Akory ny halehiben'ny fanomezana natolotr'Andriamanitra ny olombelona! Manao ahoana loatra izao Andriamanitsika izao, izay nanao izany! Tampim-pahafoizana tsy manan-tsahala no nanomezany, mba hahafahany mamonjy ny zanak'olombelona mpikomy sy hitarika azy ireo hahita ny tanjony sy hahalala ny fitiavany. Tianao ve ny haneho amin'ny alalan'ny fanomezanao sy ny fanatitra ataonao fa tsy misy zavatra tsara loatra ka tsy tokony hatolotra Azy, Izay nanome 'ny Zanani-lahy Tokana mba tsy ho very izay rehetra mino Azy, fa hanana fiainana mandrakizay?" - RH, 15 Mey 1900.
FANONTANIANA hifanakalozan-kevitra
1. Saintsaino lalina kokoa ny 2 Kor. 8:9. Nahoana no tena zava-dehibe ny ohatra nomen'l Jesôsy raha ny momba ny fitantanam-pananana no resahina?
2. Ny Jao. 3:16 dia maneho fa ny fanomezana no fitenin'ny lanitra. Vakio ny Jao. 15:13; Efes. 5:2,25; Gal. 2:19,20; ary ny 1 Jao. 3:16. Inona no iraisan'ireo andalan-teny ireo amin'ny Jao. 3:16, ary inona ny hafatra azontsika raisina avy amin'izany?
3. Araka ny voalaza ao amin'ny 2 Kor. 8-9, inona avy ireo tombontsoa manokana azo vokatry ny fanomezana?
4. Ankoatra ny fanaovana fanatitra ara-drafitra, inona avy ireo zavatra hafa azonao atao mba hanahafanao ny ohatra nasehon'i Jesôsy ny amin'ny fahafoizan-tena?