IFM, toko 73, "Aza malahelo ny fonareo".
«Ny fahasoavan'i Jesôsy Kristy irery ihany no mahay manova ny fo vato ho fo nofo, sy mahatonga izany ho velona ho an'Andriamanitra. (...) Tsy manana hery hanamarinana ny fanahy, na hanamasinana ny fo ny olombelona. Tsy azo sitranina ny aretina ara-panahy raha tsy amin'ny alalan'ny herin'ilay Mpitsabo lehibe. Ny fanomezana ambony indrindra avy any an-danitra, dia ilay Lahitokana avy amin'ny Ray, feno fahasoavana sy fahamarinana, no hany afaka manavotra ny very.» - ST, 2 Mey 1892.
"Andriamanitra dia fitiavana'. Na ny toetrany, na ny lalàny, na ny fomba itondrany izao tontolo izao, eny, na inona na inona momba Azy dia fitiavana avokoa. Izany no toetrany hatramin'ny taloha, mbola toetrany mandrak'ankehitriny ary ho toetrany mandrakizay. Fa "tsy misy fiovaovana na aloka avy amin'ny fihodinana' eo amin'llay 'Iray avo sy manerinerina", Izay mitoetra ao amin'ny fitoerana avo sy masina' - Isa. 57:15; Hab. 3:6; Jak. 1:17. Fanehoam-pitiavana tsy hita fetra ny hery tsirairay avy nentin'Andriamanitra nanao izao rehetra izao. Soa maro tsy tambo isaina no zarainy amin'ny zavaboariny rehetra. (...) Ny tantaran'ilay ady lehibe ifanaovan'ny tsara sy ny ratsy hatramin'ny andro niantombohan'izany tany an-danitra ka mandra-pahatongan'ny fotoana hanafoanana tanteraka ny fikomiana amin'ny farany sady handevonana ny fahotana, dia maneho miharihary ny fitiavana tsy manam-piovana ananan'Andriamanitra." - PM, tt. 6,7.
«llaintsika ny mahatsapa fa ny Fanahy Masina (...) dia Persona tahaka an'Andriamanitra koa. (...) Ny Fanahy Masina dia manana ny maha-lzy Azy, raha tsy izany, tsy ho afaka hanambara amin'ny fanahintsika sy miaraka amin'ny fanahintsika Izy fa zanak'Andriamanitra isika. Tsy maintsy ho Andriamanitra koa Izy, raha tsy izany, tsy ho afaka mamantatra ny zavatra rehetra Izy, na dia ny saina lalina izay an'Andriamanitra aza.» - FLB, t. 52.
«Misy Persona velona telo ao amin'Andriamanitra Telo Izay Iray any an-danitra; amin'ny anaran'ireo fahefana lehibe telo ireo-ny Ray, ny Zanaka, ary ny Fanahy Masina anaovana batisa ireo izay mandray an'i Kristy amin'ny finoana velona, ary ireo fahefana ireo hiara-miasa amin'ireo mpankatò, hampahomby ny ezaka ataony mba hananany fiainam-baovao ao amin'i Kristy.» -Ev, t. 615.
FANONTANIANA hifanakalozan-kevitra
1. Misyhira kristianina malaza mitondra ny lohateny hoe «Amazing Grace» (Fahasoavana mahatalanjona). Inona no mahatalanjona amin'ny fahasoavan'i Jesôsy ?
2. Ny fanoharana momba ilay zanaka adala dia maneho sary kanto momba ny fitiavan'Andriamanitra. Inona no ahafantarantsika fa ray be fitiavana ilay raim-pianakaviana ao amin'io fanoharana io?
3. Ahoana no ahafahan'ny fiangonana tsirairay maneho fa tena zava-misy iainan'izy ireo ny firaisana amin'ny Fanahy»?