Hodinihina mandritra ny herinandro: Gen. 3:1-5; Lev. 20:26; 1 Sam. 2:2; 1 Jao. 4:7-19, Gen. 1.1; Gen. 2:7; Mat 1:23; Mat. 28.20.
Tsianjery
"Ary izao no fiainana mandrakizay, dia ny mahafantatra Anao, Izay Andriamanitra tokana sady marina, sy Jesôsy Kristy, Izay efa nirahinao." -Jao. 17:3.
Zava-dehibe fototra ny fahatakarana mazava ny toetran'Andriamanitra, mba hananana fifandraisana matanjaka Aminy. Koa amin ity herinandro ity dia hodinihintsika tsara izay lazain'ny Baiboly momba ny toetran'Andriamanitra, ary aoka hotsaroantsika fa «Ny haizin'ny hevi-diso momba an Andriamanitra no manarona an'izao tontolo Izao. Verin'ny olona ny fahalalana ny toetra amam-panahin'Andriamanitra. Diso ny fahazoana azy, ary diso ny fandraisana azy. Amin'izao fotoana izao dia misy hafatra avy amin'Andriamanitra hotorina, hafatra hitondra fanazavana noho пу fahefana ananany sy ny famonjena noho ny heriny. Tsy maintsy hampahafantarina an'izao tontolo izao ny toetra amam-panahin'Andriamanitra. Tsy maintsy hiely eo anivon'ny haizina ny fahazavan'ny voninahiny sy ny famindrampony sy ny fiantrany ary ny fahamarinany. (...) Ny hafa-pamindrampo farany hotorina amin'izao tontolo izao, dia fanehoana ny toetra amam-panahin Andriamanitra be fitiavana.» -HF, tt 364,365, пр.
Toa tsy hay soritana araka ny tokony ho izy Andriamanitra, koa ny mety indrindra azontsika atao dia ny manondro izay voalazan'ny Baiboly momba Azy. Na tsy ho fantatsika mihitsy aza, indrindra amin'izao fotoana izao, ny zavatra rehetra momba ny toetra mahagagan Andriamanitra, dia andeha hivavaka mba hitombo sy hihalalina ny fahafantarantsika sy ny fitiavantsika Azy eo am-pianarantsika ny momba Azy, ka amin'ny farany dia haniry hanakaiky Azy kokoa isika mba hahafahantsika maneho taratra ny fitiavany sy ny toetrany amin'ny hafa.
*Famerenana ny lesona ny sabata 11 Aprily.