Avereno vakina ny Lio, 22:27. Inona no hafatra fototra ho an'ireo mpanara-dia an'i Kristy rehetra ao?
Mifanohitra tanteraka amin'ny fanirian'ny mpianatra ny ho ambony sy ny fiheveran-tenany ho tsara kokoa noho ny hafa, dia indro i Jesôsy , Ilay Ohatra faratampony amin'ny fanetren-tena. Izao no nolazainy: "Fa Izaho dia eo aminareo toy izay manompo. - Lio, 22:27. I Jesôsy , izay nanome isan'andro ho an'ireo mahantra nanodidina Azy noho ny fangorahany sy ny fahitany ireo vahoaka tahaka ny ondry tsy misy mpiahy. Fantany fa mila Azy mihoatra noho ny zavatra hafa rehetra eo amin'ny fiainana ny olombelona, na dia vitsy aza no nahatsapa izany faharnarinana tsotra izany. I Jesôsy , Ilay nandao ny lanitra mba ho faty ho an'ny taranak'olombelona ary nanantena fa hahatakatra izany asa mitory fahasoavana izany izy ireo ka hamaly ny fanasany azy hanana fifandraisana Aminy.
Vakio ny Fil. 2:3-8. Inona no ambaran'izany amintsika momba ny tokony ho fomba fiainantsika eo anatrehan'ny hazo fijaliana?
Nanao izany rehetra izany | Jesôsy. Nentiny ny zavatra rehetra. Raha maka fotoana hiatoana mba hibanjinana Azy isika, amin'ny fomba marina sy madio, dia tsy maintsy hahatsapa ny fahalotoantsika sy ny filantsika Azy fatratra eo amin'ny fiainantsika ankehitriny.
Rehefa mitodika Aminy isika, dia manjary tsinontsinona ny zavatra hafa rehetra (indrindra ny tenantsika sy ny fiheveran-tenantsika ho lehibe). Ny mombamomba ani Jesosy sy izay nataony ary ny haben'ny fitiavany ny zavaboariny no manjary ivon ny zavatra rehetra ho antsika. Azo antoka tokoa fa ho foana ny "izaho" rehefa mijery Azy isika. Jesôsy, anarana kanto sy mahery tokoa! Izy no ohatra velon'ny fanetren-tena. Rehefa misokatra mba hianatra momba Azy ny fontsika, rehefa takatsika izay nataony ho antsika, ary renefa avelantsika hahazo toerana ao amin'ny fisainantsika ny teniny mitondra fiainana, dia ho Isapantsika fa miavonavona sy fadiranovana tokoa isika. Ireo mpianany izay niara-niaina sy nianatra Taminy aza nitolona tamin'ny avonavona, koa tsy azontsika atao ny hamita-tena amin'ny fiheverana fa samy hafa amin'izy ireo isika. Farany, tsy afaka ny hitombo ao amin'ny fifandraisana amin Jesosy isika raha tsy manetry lena.
Manokàna fotoana hiarahana Aminy izao. Raiso ny Baibolinao sy ny penina ary ny diary na ny taratasy iray ka mitadiava toerana mangina, mety any ivelan'ny trano angamba. Asao Andriamanitra mba hampahalefaka ny fonao sy hibitsika ao. Soraty ao amin'ny diary ny Sal. 138. Raha eo am-panoratana izany ianao, inona ny teny manaitra anao indrindra?