«Tsy ampy hifamatra amin'izay ilain'ny lalåna ny fahamarinana ananantsika. Nefa Kristy efa nanao lalana hahafaka antsika. (...) Raha omenao Azy ny tenanao, raha manaiky Azy ho Mpamonjy anao hianao, dia hisaina ho marina hianao noho ny alalany, na dia efa ratsy fanahy aza. Ny toetr'i Kristy no nisolo ny toetrao, ary ankasitrahana eo anatrehan'Andriamanitra hianao, toy ilay tsy nanota iny akory.
Mihoatra noho izany dia manova ny fo koa Kristy. Mitoetra ao am-ponao amin'ny finoana Izy. Tsy maintsy manao izay hampaharitra izany fikambanana amin'i Kristy izany hianao amin'ny finoana sy amin'ny fanolorana ny sitrapопао ho Azy. Ary arakaraka ny anaovanao izany no hiasany ao anatinao, na amin'ny fikasana, na amin'ny fanaovana hahatanteraka ny sitrapony. Ka dia azonao atao ny milaza hoe: «Izay ivelomako ankehitriny eo amin'ny nofo dia ivelomako amin'ny finoana ny Zanak'Andriamanitra, Izay efa tia ahy, ka nanolotra ny tenany hamonjy ahy.» - Gal. 2:20 (...)
Koa dia tsy manana na inona na inona amin'ny tenantsika izay azo ireharehana isika. Tsy manana antony izay azo andokafan-tena isika. Ny hany anton'ny fanantenantsika, dia ny fahamarinan'i Kristy isaina ho antsika sy ny asan'ny Fanahy Masina miasa ao anatintsika.» - DHK, tt. 72,73
"Niharihary tamin'ny fahazavana nomena ahy fa maro no hiala amintsika, ka hanaraka fanahy mamitaka sy fampianaran'ny demonia. Fanirian'ny Tompo ny hananan'ny fanahy rehetra izay milaza ho mino ny fahamarinana, fahalalana tsara sy feno momba ny fahamarinana" - Ev, t. 363.
FANONTANIANA hifanakalozan-kevitra
1. Vakio indray ny tsianjery: "Izay tsy nahalala ota dia efa nataony ota hamonjy antsika, mba ho tonga. - 2 Kôr. 5:21. Inona no hevitr'izany? Inona no hevitry ny hoe natao ota tonga fahamarinan'Andriamanitra ao aminy kosa isika." ho antsika i Kristy, ary ahoana no anampian izany antsika hahatakatra ny toetry ny hazo fijaliana izay manambara fisoloana? Ary inona koa no hevitry ny hoe "ho tonga fahamarinan Andriamanitra ao Aminy" isika?
2. Saintsaino ilay hoe: "voavonjy indray mandeha, voavonjy mandrakizay" izay inoan'ny Kristianina maro. Nahoana isika no mino fa fampianarana sandoka izany? Inona avy ireo loza miharihary ateraky ny finoana izany? Ahoana no ahafahantsika mbola mahazo antoka ny famonjena, na dia manda izany foto-pampianarana izany aza?
3. «Mafy orina sady tafatoetra>> amin'ny finoanao ve ianao sa manao ahoana (Kol. 1:23)? Fantatrao tsara ve izay inoanao sy ny antony inoanao izany? Inona no azonao atao mba hahafantaranao tsara kokoa izay inoanao? Ary nahoana no tena zava-dehibe ny hoe «Mafy orina sady tafatoetra» amin'ny finoana ianao?