Tsy misy fanazavana mitombina ny anriin'ny antony namelan’i Losifera, ilay anjely tonga lafatra, ny avonavona sy ny fialonana hamaka tao am-pony sy ho tonga fikomiana amin’ny Mpamorona azy. Niova ho fikomiana ny avonavon’i Satana. Nampangainy ho tsy marina sy mitanila Andriamanitra. Niampita tamin’ireo anjely ny fisalasalany sy ny fanendrikendrehany.
Vakio ny Apôk. 12:4. Inona no ambaran'io andininy io momba ny fahaizan'i Satana mamitaka? Anjely firy no lavo noho ny lainga nataony momba an'Andriamanitra?
Rehefa nipoaka ny ady tany an-danitra dia tsy maintsy nisafidy ny anjely – hanaraka an’i Jesôsy ve izy ireo sa i Losifera? Nanao ahoana ny toetr’io ady tany an-danitra io? Ady ara-batana ve izany sa ady ara-kevitra sa izy roa? Tsy fantatsika ny tsipiriany saingy ara-batana ilay ady matoa “nazera" i Satana sy ny anjeliny nony farany ary “tsy nisy fitoerana ho azy intsony tany an-danitra" -Apôk. 12:8,9. Mazava fa misy singa azo tsapain-tanana ao amin’io ady io.
Zavatra iray no azo antoka momba ny ady tany an-danitra. Tsy maintsy nanapa-kevitra ny anjely tsirairay na hiandany amin i Kristy na tsia. Hanaraka an'iza izy ireo? Feon’iza no hohenoiny? Nifidy hankatô ireo didim-pitiavan'i Kristy ny anjely mahatoky, fa ny ampahatelon'ireo anjely kosa nihaino ny feon'i Losifera, tsy nankatô an'Andriamanitra ka veriny ny lanitra. Isika koa, amin’izao vanim-potoana sarotra amin’ny tantaran'ny tany izao. dia antsoina hisafidy na hiandany amin’i Kristy na tsia. Natao hanambara ny toerana misy antsika koa isika – na an’i Kristy na an’i Satana.
Vakio ny Gen. 2:15-17, Eks. 32:26, Jos. 24:15, 1 Mpanj. 18:20, 21, ary ny Apôk. 22:17. Inona ny foto-kevitra lehibe ampianarin’ireo andininy ireo antsika momba ny fifanandrinana lehibe?
Rehefa nahary ny olombelona Andriamanitra dia nataony lalina tao an- dohantsika ny fahafahana misaina sy mandanjalanja ary misafidy. Ny tena fototry ny maha-olombelona antsika dia ny fahafahantsika manao safidy ara-pitondran- tena. Tsy milina tsy akory isika. Noforonina araka ny endrik’Andriamanitra isika eo amin ny fahafahantsika manao safidy ara-pitondran-tena sy miaina araka ireo foto-kevitra ara-panahy mandrakizay; tsy tahaka ny biby no namoronana antsika. Hatramin’ny nikomian’i Losifera tany an-danitra dia niantso ny vahoakany Andriamanitra hamaly ny fitiavany sy hankatô ny didiny amin’ny fisafidianana hanompo Azy.
Inona ny lesona azontsika tsoahina avy amin’ilay ady niseho tany an-danitra, izay mifandray ny ady ataon’ny tenantsika manokana amin’ny ratsy? Raha azon'i Satana natao ny namitaka ireo anjely marina sy masina tany an-danitra ireo, inona no ambaran'izany momba ny fiezahany hamitaka antsika?