Hodinihina mandritra ny herinandro: Sal. 84; Ap6k. 21:3; Sal. 122; Sal. 87; Gal. 3:28,29; Mat. 28:18-20; Sal. 46; Sal, 125.
Tsianjery: “Manina sady vonton’alahelo ny kianjan’i Jehovah ny fanahiko; ny foko sy ny nofoko mihoby an’Andriamanitra velona.” - Sal. 84:2.
Ny hiran'i Ziona dia fihiram-pifaliana izay midera ny hatsaran-tarehin'i Ziona sy ny fiandrianan’Andriamanitra izay manjaka eo amin’ny tendrombohiny masina, Matetika ireo Salamo ireo no midera ny fahatsaran'ny tranon’i Jehévah sy maneho ny fitiavany ny fitoerana masinazay hita any amin'ny Salamo hafa ihany koa. Maro amin'ireo Salamo ireo no nosoratan’ireo zanak’i Kora, izay nanana fanandramana voalohany ny amin'ny fitahiana ao an-tranon'i Jehovah amin'ny maha-mpihira ao amin'ny tempoly (1Tant. 6:31-38) sy mpiambina ny vavahadin'ny tempoly azy (1 Tant. 9:19).
Inona no mahatonga an’i Ziona ho loharanon’ny fanantenana sy ny fifaliana? | Ziona dia maneho ny fanatrehan’Andriamanitra velona eo amin'ny olony. Tahaka ny maha vahoaka voafidin’Andriamanitra ny Isiraely (Deo. 7:6), no maha-tendrombohitra voafidin’Andriamanitra an'i Ziona (Sal. 78:68; Sal. 87:2). Manjaka ao Ziona Andriamanitra (Sal. 99:1, 2) ary naorina ao koa ny tempoliny (Sal. 87:1). Araka izany, i Ziona dia fitoeran’ny fitahian’Andriamanitra sy fialofana Matetika i Ziona no ampitahaina amin‘i Jerosalema sy ny fitoerana masina, na koa ampiasaina eo amin'ny toeran'ireo aza; i Jerosalema sy ny fitoerana masina izay ivon'ny asam-pamonjen’Andriamanitra ho an’izao tontolo izao tranainy.
Miavosa sy mahatratra ny faran’ny tany ny fitahiana an'i Ziona satria mihoatra ny fefin’ny faritra masina rehetra ny fanatrehan’Andriamanitra sy ny fahasoavany. | Ziona no fifalian'ny tany rehetra (Sal. 48:2), manamafy izany fa an‘Andriamanitra ny tany manontolo.