Vakio ny Mar. 4:1-9. Inona avy ireo karazan-tany namafazana, ary inona no nitranga tamin'ny voa izay nafafy teo amin'ireny?
Matetika ny olona no mandingana avy hatrany any amin'ny fanazavan'i Jesôsy ny fanoharana rehefa mamaky ireo fanoharana nataony ao amin'ny Filazantsara. Tsy izany rahateo ve moa no tanjon'ireny tantara ireny, dia ny hampianatra fahamarinana ara-panahy ho an'ny fiainana kristianina? Eny tokoa, kanefa indraindray dia tsy manome fanazavana mikasika ny fanoharana i Jesôsy ankoatra ny teny fohy toy ny hoe fanjakan'Andriamanitra dia toy ny..." na koa hoe "Izay manan-tsofina ho enti-mihaino aoka izy hihaino."
Araka izany, tsara ny mamaky miadana sy mandalina ny tantara mba hahitana far ny fizotry ny fitantarana sy ny tiany hahatongavana. Hahazoana hevitra samihafa ny fandalinana ilay fanoharana mikasika ny mpamafy. Iray ihany ny voa nafafy ao amin'ired toe-javatra tsirairay ireo saingy tany samy hafa no namafazana azy. Misy fiantraikany in lehibe eo amin'izay ho fanirin'ny voa ny karazan-tany amafazana azy. Tsy tantara lo anankiray mitohy ity fanoharana ity fa tantara efatra samy hafa izay voalaza hatramin'ny m farany isaky ny fitantarana. Mampiitatra ny halavan'ny tantara iray manontolo ny tantara tsirairay mifanesy.
Nohanin'ny vorona avy hatrany ny voa latsaka teny amoron-dalana. "Ary raha namafy izy, ny sasany dia voafafy teny amoron-dalana, dia avy ny vorona ka nandany izany." - Mar. 4:4.
Izay voafafy teny ambony vatolampy kosa dia niandry andro na herinandro vitsivitsyn vao tonga tamin'ny fiafarana tsy nahomby; ny fandoroan'ny masoandro azy izany.