Ny hafatra ao amin'ny bokin'ny Apôkalipsy dia mihoatra lavitra noho ny tandindona saro-pantarina sy ny biby hafahafa na koa ny sarin-javatra tsy fahita. Miresaka ny amin'ny fahamarinana mandrakizay nomen'llay Andriamanitra be fitiavana ho an'ny taranaka velona amin'ny andro farany izany. Tarry an-danitra no nanomboka ny ady teo amin'i Kristy sy i Satana, izay momba ny fiankohofana. Ho tonga amin'ny fetra farany mahakasika ny fiankohofana izany.
Ampitahao amin'ny Apôk. 4:11 ny Apôk . 14:9. mona ny hevitra tototra hita ao amin'ny Apokalipsy momba io ady eo amin'ny tsara sy ny ratsy io?
Mifamatotra tsy azo sarahina ny fiankohofana sy ny famoronana manerana ny Apôkalipsy. Ny Apôk. 14:7 dia miantso antsika hiankohoka amin'llay Tompon'ny voary rehetra. Manoloana ny fivoarana miandalana izay nihanahazo vahana teto amin'izao tontolo izao tao anatin'ny roapolo taona izao, ny Sabata dia fampahatsiahivana mandrakizay ny maha-isika antsika. Manamafy mandrakariva izany fa nohariana isika ary ny Mpahary antsika dia mendrika ny fahatokiantsika sy ny fiankohofantsika. Antony iray ankahalan'ny devoly fatratra ny Sabata izany.
Vakio ny Apôk. 12:17 sy ny Apôk. 14:12. Ahoana ny fanehoana fara tampony ny fiankohofana amin'ny Mpahary?
Mifanohitra mivantana amin'ny fiankohofana amin'ny bibidia ny fiankohofana amin'ilay Mpahary amin'ny alalan'ny fitandremana ny didin'Andriamanitra. Hanana vahoaka mahatoky Aminy Andriamanitra amin'ny andro farany na dia eo aza ny fanoherana lehibe indrindra sy ny fanenjehana mivaivay indrindra teo amin'ny tantara.
"Raha ny fitandremana ny sabata sandoka no fanekena ny lalam-panjakana, izay manohitra ny didy fahefatra, ary fiaikena ny fiandaniana amin'ny fahefana manohitra an'Andriamanitra, ny fitandremana ny Sabata marina kosa dia fankatoavana ny lalan'Andriamanitra, sy porofo mazavan'ny toetra mahatoky amin'ny Mpamorona." — HM, t. 631.
Ny Apôk. 14:12 dia manambara fa hanana "ny finoan'i Jesôsy" ireo mpanara-dia ny Mpamonjy izay feno fanoloran-tena. Ny finoan'i Jesôsy dia finoana lalina tokoa ka matoky na dia tsy mahita aza, ary maharitra na dia tsy takany aza ny toe-javatra misy. Fanomezana avy amin'i Jesôsy izay azontsika amin'ny alalan'ny finoana izany, ary hanampy antsika hiatrika ny fifanandrinana ho avy tsy ho ela.
Ny Sabatan'ny andro fahafito dia tandindona maneho ny maha Mpamorona an'Andriamanitra kd tany Edena dia efa nisy izany. Noho izany, ny fitadiavana hisandoka izany, tahaka ny nataon'i Rôma (jereo ny Dan. 7:25) dia fitadiavana hisandoka ny fahefan'Andriamanitra amin'ny fotony indrindra araka izay azo atao. Ahoana no anampian'io fahamarinana io antsika hahatakatra fa io hevitra io no ho anton'ny fifanandrinana toy izany amin'ny andro farany?