Vakio ny Sal. 96:6-10; Sal. 99:1-4; sy ny Sal. 132:7-9, 13-18. Aiza no miseho ny fitsaran' Andriamanitra? Inona no akon'ny valin'izany fanontaniana izany amintsika? Ahoana no anampian'ny fitoerant masina antsika hahatakatra ny fomba fiatrehan'Andriamanitra ny fahotana?
Mifandray akaiky amin'ny fitoerana masina ny fitsaran'Andriamanitra. Teo amin'ny fitoerana masina sy ny tontolony no nampiova ny fahatakaran'ny mpanao Salamo ny olan'ny faharatsiana (Sal. 73:17-20). Notendrena ho toeran'ny fitsaran'Andriamanitra ny fitoerana masina, araka ny tondroin'ny fitsaran'i Orima (Nom. 27:21), sy ny saron-tratra fitsaran'ny mpisoronabe (Eks. 28:15, 28-30). Koa maro ny Salamo manoritsoritra an'Andriamanitra eo amin'ny seza fiandrianany, vonona hitsara izao tontolo izao noho ny fahotany sy ny faharatsiany.
Nambara tao amin'ny fitoerana masina ny drafi-panavotana. Teo amin'ny mpanompo sampy dia loto ara-nofo no tena nandraisana ny fahotana, izay natao hesorina amin'ny alalan'ny majika. Ny Baiboly kosa dia maneho ny fahotana ho fandikana ny lalàna môralin'Andriamanitra. Ny fahamasinan'Andriamanitra dia midika fa tia ny rariny sy ny fahamarinana izy. Tokony hitady ny rariny sy ny fahamarinana toy izany koa ny vahoakan'Andriamanitra, ary tokony hankalaza an'Andriamanitra ao anatin'ny fahamasinany.
Araka izany dia toeram-pamelana heloka sy famerenana amin'ny laoniny ny fahamarinana ny fitoerana masina, araka ny asehon'ny rakotra fanaovam- panavotana misy ny seza fiandrianan'Andriamanitra, ary koa ny "fanati- pahamarinana" (Deo. 33:19, Sal. 4:5).
Kanefa mamaly ny asa ratsin'ireo izay tsy mety mibebaka io Andriamanitra mpamela heloka io (Sal. 99:8). Toerana itrangan'ny fitsaran'Andriamanitra ny fitoerana masina; mahatonga fahatsapana mandrakariva ny fahamasinan' Andriamanitra sy fiainana mifanaraka amin'ireo fitakian'ny faneken'Andriamanitra izany. Ny vokatry ny fitsaran'Andriamanitra dia fiadanana ho an'ny olo-marina ary faharesena ho an'ny ratsy fanahy (Sal. 132:13-18). Nikolokolo fanantenana mahafinaritra ny amin'ny fiavian'ny Tompo amin'ny maha-Mpitsara Azy ny fitoerana masina, indrindra tamin'ny Andro Fanavotana. Hamafisin'ny Salamo koa fa azo antoka ny fahatongavan'llay Andriamanitra Mpitsara (Sal. 96:13; Sal. 98:9), izany hoe Jesôsy Kristy, ao amin'ny fitoerana masina any an-danitra (Apôk. 11:15-19).
Vakio ny Rom. 8:34. Ahoana no anehoan'io andininy io amintsika fa vaovao mahafaly ho an'ny vahoakan' Andriamanitra ny zavatra ataon'i Kristy ao amin'ny fitoerana masina any an-danitra?