Hodinihina mandritra ny herinandro: Mar. 11; 1 Mpanj, 1:32-48; Zak.9:9,10; !sa. 56:7; Jer. 7:11; Mar. 12:1-34.
Tsianjery: "Ary raha mitsangana mivavaka hianareo, ka misy olona anananareo alahelo, dia mamelà ny helony, mba havelan'ny Rainareo izay any an-danitra kosa ny helokareo." - Mar. 11:25.
Lohahevitra dimy izay niteraka adihevitra teo amin'i Jesôsy sy ireo mpitondra fivavahana no voarakitra ao amin'ny Mar. 2 sy 3 (jereo ny Lesona 3). Ao amin'ny lesona mandritra ity herinandro ity dia lohahevitra enina no nampifanditra an'i Jesôsy tamin'ireo mpitondra fivavahana rehefa tonga tany Jerosalema lzy. Tamin'ny fiandohan'ny asan'i Jesôsy teto an-tany no nisehoan'ny fifandirana voalohany, ary ny faharoa kosa dia tamin'ny fiafaran'izany asa fanompoany izany. Samy mahakasika ny toe-javatra manan-danja eo amin'ny fiainana kristianina ireo roa ireo. Na dia ao anatin'ireny toe-javatra miteraka adihevitra ireny aza, ny torolalana omen'i Jesôsy dia manampy amin'ny fitarihana ny mpino handinika ireo teboka manan-danjaniny finoana ary koa ireo lafiny azo ampiharina eo amin'ny fiainana andavanandro.
Tonga mba hifanandrina amin'i Jesôsy sy hiady hevitra Aminy ary handresy Azy ireo mpitondra fivavahana kanefa tsy nahomby na oviana na oviana. Ny ampahany amin'ny lesona mandritra ity herinandro ity dia handalina ny antony mahatonga ny olona hanohitra an'Andriamanitra. Hodinihin'ny lesona ihany koa izay azon'ny Kristianina atao mba handrodanana ny hevitra mibahana mialoha sy hanatrarana ny fon'ireo izay manohitra ny antson'ny Fanahy.
Any Jerosalema i Jesôsy no hanao ny asa fanompoany ho amin'ny Paska (Marsa-Avrily), ao amin'ny Mar. 11. Toe-javatra niseho nandritra ny herinandro mahery no tantaraina ao amin'ny Mar. 11-16; hita fa nibahana tee amin'izany ny fitantarana ny tantara. Ireo telo taona sy tapany niasan'i Jesôsy kosa no tantarain'ireo toko folo voalohany. Manondro ny lanjan'ireo toe-javatra mamarana ny asan'i Jesôsy izany fibahanan'ny fotoana eo amin'ny toe-javatra tany Jerosalema izany.