"Ary noho ny haben'ny tsi-fankatoavan-dalana dia hihamangatsiaka ny fitiavan 'ny maro." - Mat. 24:12.
Mofon’aina:
Rnaha vantany vao voaisy tombokase eo amin'ny handriny y vahoakan'Andriamanitra — tsy tombokase na marika izay mety ho hitan'ny maso tsy akory izany, fa fiorenana amin'ny fahamarinana, amin'ny saina sy amin'ny fanahy, ka dia tsy voahozongozona izy ireo —raha vantany vao voaisy tombokase sy voaomana ho amin'ny fikororohana ny vahoakan'Andriamanitra, dia ho tonga izany. Sady efa nanomboka rahateo izany. Efa tonga ankehitriny ny fitsaran'Andriamanitra, mba hampitandrina antsika, mba hahafantarantsika ny zavatra hiseho tsy ho ela.
Ho tonga faingana ny fotoana izay hisian'ny savorovoro sy fahaverezan-kevitra lehibe. Miseho ho toy ny anjelin'ny mazava i Satana, mamitaka ireo olom-boafidy raha azony atao. Hisy tompo sy andriamanitra maro. Hitsoka avokoa izao karazana rivo-pampianarana rehetra izao. ( ...)
Hasaina horaisintsika ny mariky ny bibidia. Ireo izay nilefitra tsikelikely tamin'ireo fitakian'ny fiainan' izao tontolo izao ka nifanaraka tamin'ny fanaon'izao tontolo izao, dia hahita fa tsy zavatra sarotra aminy ny hilefitra amin'ireo fahefana izay misy, toy izay ny hamela ny tenany hesoina, hitenenan-dratsy, sy horahonana na hogadraina, ary hovonoina. Ny momba ny didin'Andriamanitra sy ny didin'olombelona no tena anton'ny fifanandrinana. (...) Ny tena toe-panahy araka an'Andriamanitra marina dia hiavaka mazava amin'ny fiseho ivelany sy ny forongony. (...) Ny akofa dia hoentin'ny rivotra tahaka ny rahona, eny, na dia eo amin'ny toerana tsy ahitantsika afa-tsy voam-bary aza. Izay rehetra nianina tamin'ny toe-panahy tsara araka ny fiseho ety ivelany fotsiny, fa tsy nitafy ny fahamarinan'i Kristy dia hiseho amin'ny henatry ny fitanj ah any.
Kanefa hisy ireo izay handray ny fahamarinana, ka ireo no haka ny toerana banga navelan' ireo izay nitakemotra ka niala tamin'ny fahamarinana. (...)
Handray ny toerany ireo izay manana ny fitsipi-piainana kristianina marina, ka hanjary loham-pianakaviana mahatoky sy mendri-pitokiana, izay miaro ny tenin ' Andriamanitra sy maneho azy araka ny tena heviny marina sy amin'ny fahatsorany. Hiasa Andriamanitra ka hisaraka amin'ireo olona marina sy mahatoky ireo mpikomy (...). Tsy hihena tsy akory ny isan'ireo mpiandany amin'ny Tompo. Hameno ny toeran'ireo tafintohina sy mihemotra ny olona marina sy mijoro tsara. — Ma, t. 200