Araka ny efa hitantsika tamin'ny lesona teo aloha dia tsy misy olona na iray aza, na mpanota sy mpanao ratsy toy inona aza, ka tsy tian'Andriamanitra.
Vakio ny Lio. 15:11-32. Inona no ambaran'ny fanoharana momba ny zanaka adala ny amin'ny fangorahan'Andriamanitra sy ny fitiavany? Inona ny fampitandremana omen'izany ho an'ireo izay mitoetra ao an-tokantrano, tahaka llay zanaka anankiray ao amin'ny fanoharana?
Ao amin'io tantara nataon'i Jesôsy io dia nangatahin'ilay zanaka mialoha tamin'ny rainy ny anjara lovany, izay maneho ny fandavany ny rainy sy ny ankohonany. Avy eo dia nandanilany foana izany lova izany ilay zanaka adala ary tonga mahantra sy noana, ka nitsirinitra ireo kisoa izay nanan-kanina. Nony tsaroany fa manana sakafo manana amby ampy ireo mpanompo ao an-tranon- drainy, dia nanapa-kevitra ny hody izy, nanantena ho tonga mpanompo.
Mahatalanjona ny tohiny. Ny raim-pianakaviana sasany dia mety handroaka ny zanaka toy izany raha tahiny miverina izy. "Efa nalainao ny anjara lovanao, efa nisaraka tamin'ny ankohonana ianao. Tsy manana anjara fonenana ato intsony ianao." Ho nitombina tokoa izany fihetsika izany, ary rariny aza, sa tsy izany? Ho an'ny ray aman-dreny sasany dia efa lasa lavitra loatra izany zaza izany ka tsy azo ekena intsony ny hiverenany, indrindra amin'ny maha-zanaka azy.
Ao amin'ny fanoharana anefa dia tsy mba toy izany ny fihetsik'ilay ray (izay maneho an'Andriamanitra). "Fa raha mbola lavitra izy (ilay zanaka adala), dia tazan-drainy, ary onena azy izy ka nihazakazaka, dia namihina ny vozony sady nanoroka azy." - Lio. 15:20. Na fihetsika tsy mendrika hataon'ny loham- pianakaviana tamin'izany andro izany aza ny mihazakazaka mivoaka ny trano hitsena olona iray, ity ray ity kosa, izay feno fangorahana, dia nihazakazaka nitsena ny zanany, ary tsy izany ihany fa noraisiny ho anisan'ny ankohonany indray izy ary nanaovany fanasana manokana mihitsy aza. Maneho izany fa feno fangorahana ny olona tsirairay izay mania Andriamanitra, ary mahafaly azy tokoa ny fiverenan'ny zanany, na anankiray monja aza, ao an-tokantrano. Manao ahoana re izany toetran'Andriamanitra izany e!
Mahaliana ny fihetsik'ilay zanaka anankiray. Nahoana no mitombina sy rariny amin'ny maha-olombelona tokoa ny fihetsiny? Inona anefa no ampianarin'lo tantara io antsika momba ny tsy fahatakarantsika ny tena hevitry ny filazantsara sy ny halalin'ny fitiavan' Andriamanitra antsika?