"Ny fo ravoravo mahasalama tsara. Ohab(...)" 17:22a.
Mifandray ety tokoa ny saina sy ny vatana. Misy fiantraikany amin'ny anankiray ny fahavoazan'ny iray. Ny mahazo ny saina dia misy akony lehibe amin'ny fahasalamana mihoatra lavitra noho izay iheveran'ny maro azy. Maro amin'ny aretina izay mampijaly ny olona no vokatry ny faharerahan-tsaina. Ny alahelohelo, ny fitebitebena, ny tsy fahafaliana, ny nenina, ny fahatsiarovan-tena ho meloka, ny fiahiahiana, ireny rehetra ireny dia mandrava ny herin'ny aina ary mitarika ho amin'ny fahasimbana sy ny fahafatesana.
Indraindray ny aretina dia ateraky ny eritreritra, ary matetika no ataony mihombo. Maro ny olona efa nalemy nandritra ny fiainany no nety ho olona salama tsara raha mba nihevitra fotsiny izy fa izany tokoa no izy (...).
Ny herim-po, ny fanantenana, ny finoana, ny fitiavana, dia miantoka fahasalamana sy manalava ny androm- piainana. Ny saina faly, ny fanahy miramirana, dia fahasalamana ho an'ny tena ary tanjaka ho an'ny fanahy.
Ny fankasitrahana, ny firavoravoana, ny fahalalahan-tanana, ny fitokiana amin'ny fitiavan'Andriamanitra sy ny fiahiany ireo dia fiarovana lehibe ho an'ny fahasalamana.
Ny herin'ny sitrapo sy ny mahazava- dehibe ny fifehezan-tena, na eo amin'ny fiarovana na famerenana amin'ny laoniny ny fahasalamana, ny rarintsaina sy ny vokatra manimba mihitsy aza ateraky ny fahatezerana, ny tsy fahafaliana, ny fitiavan-tena, na ny fahalotoana; ary etsy andanin'izany kosa, ny hery mahatalanjona mamelon'aina vokatry ny hafaliana, ny fitiava-namana, ary ny fahaiza- mankasitraka, dia tokony haseho ihany koa.
Misy fahamarinana iray tokony hodinihintsika ao amin'ny Soratra Masina, izay mahakasika ny vatan-tenantsika: "Ny fo ravoravo mahasalama tsara."
Mametrakaloharanom-pahasambarana tsy mety ritra eo anoloantsika ny foto-kevitry ny fivavahana kristianina marina.
Tokony hikolokolo toe-tsaina miramirana, feno fanantenana, sy tony isika, satria miankina amin'izany ny fahasalamantsika. - MLT, t. 151.