"Ary izany no nahatanterahany amintsika ireo teny fikasana sady soa no lehibe indrindra, mba ho tonga mpiray amin'ny fomban 'Andriamanitra amin'izany hianareo, rehefa afa-nandositra ny fahalotoana izay eo amin'izao tontolo izao noho ny antsika filana."-2 Pet. 1:4.
Mampahery ho tonga mpiray amin'ny fomban' Andriamanitra avokoa ny teny fikasana rehetra ao amin'ny Baiboly. Midika ho fahafahana miantehitra amin' Andriamanitra, mino ny Teniny, sy manao ny asany izany; ary vitantsika izany rehefa mifikitra amin'ny maha- Andriamanitra an'i Kristy isika. Sarobidy lavitra noho ny harena rehetra eto amin'izao tontolo izao io fahafahana io. Tsy misy na inona na inona azo ampitahaina amin'izany eto an-tany. Amin'ny famikirantsika amin'io hery azontsika raisina io dia mahazo fanantenana lehibe isika, hany ka afaka mitoky tanteraka amin'ny teny fikasan'Andriamanitra; ary amin'ny fanararaotantsika ireo fahafahana omena antsika ao amin'i Kristy dia tonga zanakalahy sy zanakavavin' Andriamanitra isika. (...)
Izay mino marina an'i Kristy dia manjary mpiray amin'ny fomban'Andriamanitra, ary manana hery azony anoherana ny fakam- panahy rehetra. Tsy ho lavon'ny fakam-panahy izy na havela ho resy. Hitaky ny teny fikasana izy rehefa tojo fitsapana, ka amin'ny alalan'izany dia ho afa-mandositra ny fahalotoana izay eo amin'izao tontolo izao noho ny filana. (...)
Nomen'ny lanitra ny hareny sarobidy indrindra mba hahatonga antsika ho mpiray amin'ny fomban' Andriamanitra. Nilaozan'Ilay Zanak' Andriamanitra ny akanjo sy ny satroboninahiny maha-mpanjaka Azy, ka tonga teto an-tany Izy, teraka toy ny zaza. Nanolo-tena hanana fiainana tonga lafatra Izy, nanomboka tamin'ny fahakeliny mandra-pahalchibe Azy. Nanolo-tena hijoro eo anivon'ny tontolo lavo Izy amin'ny maha-solontenan'ny Ray Azy. Ary dia maty namonjy ny taranaka lavo Izy. Asa manao ahoana re izany e! (...) Tsy haiko hazavaina ny momba izany fa mahagaga, mahagaga loatra. (...)
Tamin'ny alalan'ny fiainany feno fahafoizan-tena sy ny fahafatesany dia manjary afaka mamikitra amin'ny maha-Andriamanitra Azy isika, ary afaka mandositra ny fahalotoana izay co amin'izao tontolo izao noho ny filana. (...) Raha mpiray amin'ny fomban' Andriamanitra ianao dia ho voaomana isan'andro handray ilay fiainana mifamatra amin'ny an Andriamanitra. Hihavao isan'andro ny fitokianao amin'i Jesosy ka hanaraka ny oha-piainany sy hitombo amin'ny fanahafana Azy ianao mandra- pahatonga ny fotoana hijoronao tsy misy tsiny co anatrchany. MLT, t. 274.