"Izao no ahy: Mitandrina ny didinao aho." — Sal. 119:56.
Mofon’aina:
Ilaina katsahina araka ny tokony ho izy sy any amin'ny tena loharano ipoirany ny fahasambarana. Misy ireo mihevitra fa mety hahita fahasambarana amin'ny fanaranam-po amin'ny fahafinaretana feno ota, na amin'ny fanarahana ny fitaoman'izao tontolo izao mamitaka. Ao ireo izay mahafoy ny adidiny tokony hitandroany ny vatany sy ny saina amam-panahiny mba hahazoana fahasambarana, kanjo samy very na ny fanahiny na ny vatany. Ny sasany indray mikatsaka izany amin'ny fanaranam-po amin'ny hatendan-kanina ka mihevitra fa tsara noho ny fahasalamana sy ny fiainana ny fahafinaretana amin'ny tsiron-kanina. Maro no eo ambanin'ny vahohon'ny firehetan'ny filan'ny nofo ka mahafoy ny herim-batany sy ny herin-tsainy ary ny herim-panahiny ho fanomezana fahafaham-po ny filan-dratsiny. Ho faty tanora izy vokatr'izany, ary ho voaheloka noho ny famonoan-tena rehefa tonga ny fitsarana.
Izany ve ilay fahasambarana ilaina, dia izay hita eo amin'ny lalan'ny tsy fankatoavana sy ny fandikana ny lalàn'ny fahasalamana sÿ ny fitondran-tena? Manondro ny loharanon'ny fahasambarana marina sy ny fomba hahazoana izany ny fiainan'i Kristy. Manondro ny lalan-tokana sady mivantana mankany an-danitra fiainany. (...)
Maro ireo fakam-panahy mitaona tanora ho any amin'ny fahaverezana Mahatonga ny ankizy ho osa sy ts) manam-piarovana ny tsirambine mampalahelo eo amin'ny fanabeazana azy, ka tsy miorina tsara ny toetrany votsa ny sainy, ary kely hery ara pitondrantena izy. (...) Amin'm fanaranam-po feno ota no andotoam ny fahadiovany ka dia simba ny fitondrantenany. Tsy maharitra amin'ny fitsipi-pifehezana izy ka mihevitra fa raha mba havela handeha amin'izay tiany dia ho sambatra tokoa (...)
Raha te hahita ny soa indrindra eto an-tany ny ankizy sy ny tanora dia aoka hitady izany eo amin'ny lalan'ny fankatoavana mahatoky. Ny fahasalamana tsara no harena lehibe indrindra eto an-tany, ary amin'ny fandosirana ny tsy fahalalana onony ihany no hahazoana azy. Raha tiany ny ho sambatra marina, dia tokony hokatsahiny amim-pifaliana izay hanatanterahana ny adidiny, amin'ny fanaovana amim-pahatokiana ny asa nankinina taminy, ka ny fony sy ny fiainany dia hataony rnifandrindra amin' ilay môdely tonga lafatra. — YI Avrily 1872.