"Izay maharesy no handova izany zavatra izany; ary ho Andriamaniny Aho, ary izy ho zanako."- Apôk. 21:7.
T'mahatsapa isika fa akaiky ny fiafaran'ny zavatra rehetra. Tsy tsapantsika araka ny tokony ho izy ny tokony handresentsika isan'andro sy ny tokony hahazoantsika antoka ny amin'ilay valisoa mandrakizay. Irea izay maharesy ny fakam-panahy eto amin'izao tontolo izao (...) no mpiombona amin'ny fomban'Andriamanitra. Efa nisy corona natao ho antsika, handray izany ve isika? (...)
Mitaky vavaka sy finoana ary fahatakarana ny fahatongavana ho mpiombona amm'ny fomban'Andriamanitra. Kanefa rehefa miaina izany fanandramana izany isika, dia tsy tokony hihazona samirery ny tombontsoa avy aminy, fa haneho amin'ireo manodidina antsika fa azon'ny rehetra atao ny ho mpiombona amin'ny fomban'Andriamanitra. Azon'ny rehetra atao ny ho mpandresy. Andeha isika hanapa-kevitra ny ho mpandresy. Andeha isika hikatsaka bebe kokoa ny fahasoavan'Andriamanitra. (…) Aoka isika tsy ho variana amin'ireo zavatra eto amin'izao tontolo izao, fa haneho kosa ny fahavononantsika ny ho tonga mpandresy isan'andro sy isan'ora. (...)
Andeha isika hitory an'i Kristy sy ny fahamarinana any arnin'izay rehetra alehantsika, ary hanome voninahitra an'Andriamanitra. Ry anadahy sy rahavaviko, tian'i Jesôsy ny mivavaka ho anao. Mifikira Aminy, miezaha ny ho mpandresy, ka hiarahaba anao any amin'ny tananan'Andriamanitra ny Mpamonjy (...). Hanao ahoana re ny hafaliana rehefa hapetraky ny Zanak'ondrin'Andriamanitra eo an-dohan'ny voavotra ny satroboninahitry ny fandresena! Tsy hianjadian'ny fakam-panahy intsony ianao, ary tsy hanota intsony. Ho hitanao amin'ny hatsaran-Wireluny ny Mpanjaka. Ary ireo rehetra nampianao ho tonga any an-danitra dia ho hitanao any. Hamihina anao izy ireo ary hankasitraka izay nataonao ho azy. (...) Andeha isika handroso ao amin'ny herin' ny Tsitoha, ka hisaintsaina ny fifaliana eo anoloantsika rehefa ho hitantsika any amin'ny fanjakan'Andriamanitra ny Tavany, ary tsy hiala any intsony isika. (...) Andeha isika hitondra ny fangatahantsika eo amin'ny seza fiandrianan'Andriamanitra amin'ny fotoan'ny fakam-panahy, ary hifikitra amin'ny Heriny amim-pinoana.- Ms 49, 1909.