"Ahoana no hevitrareo? Raha misy olona manna ondry zato, ka mania ny anankiray, moa tsy hamela ny sivy amby sivi-folo eny an-tendrombohitra va izy ka handeha hitady ilay nania?" - Mat. 18:12.
Mofon'aina:
Mampianatra lesona sarobidy indrindra ny fanoharana ny amin'ny farantsakely very sy ny ondry very. Miresaka momba ny olona very nefa hita indray izy ireo. Maro, eny, maro lavitra no ho hita indray raha nanaovana asa tahaka ny aseho ao amin'ireo fanoharana ireo. (...)
Ry mambran'ny fiangonana, angataho Andriamanitra hanome anareo fo mazoto hanokatra ny Soratra Masina amin'ny hafa, ary hanao asa fitoriana ho an'ireo mila fanampiana. Ny sasany ho voavonjy amin'ny fomba iray ary ny sasany amin'ny fomba hafa koa, nefa ny asa dia tsy maintsy atao mandrakariva araka ny fitarihan'ny Tompo. (...) Aoka ireo pejy voasoratra mirakitra ny fahamasinana ara-Baiboly haely tahaka ny ravin-kazo amin'ny fararano. Asandrato [lay Mpamonjy ny fanahy, asandrato avo hatrany Izy. (...)
Aoka ho vonton'ny toe-tsain'Ilay Mpampianatra lehibe Tompon'ny asa ianao. lanaro avy amin'Ilay Sakaizan'ny mpanota ny fomba fanampiana ireo fanahy mararin'ny fahotana. Tsarovy fa tokony hahitana fanoloran-tena sy fanokanan-tena ho an'ny asan'Andriamanitra mitovy amin'ny an'ny Tompony ny fiainan'ny mpanara-dia Azy, izay ambony noho ny zava-takin'ny fiarahamonina sy ireo havan-tiany eto an-tany. Tsy maintsy atao lohalaharana mandrakariva ny fitakian'Andriamanitra. - RH, 29 Avrily 1909.
Maro ny mpiara-belona aminao. Holazainao azy ireo ye ny hafatra? Mety tsy mbola nandray ny hosotry ny fametrahan-tanana ianao, nefa azonao atao ny mitory io hafatra io amim-panetren-tena. — Ms, 2, 1905.
Aoka tsy hisy hipetra-potsiny satria hoe tsy afakahanao asamitovy amin ' izay ataon'ireo mpanompon' Andriamanitra efa za-draharaha indrindra. (...) Tsy ny olona mitana andraikitra lehibe eo amin'ny fanompoana ihany, tsy ny olona mambran'ny vaomiera na komity ihany (...) no tsy maintsy hamita ny asa izay hahatonga ny tany ho feno ny fahalalana ny voninahitr'i Jehovah toy ny fanaron'ny rano ny fanambanin'ny ranomasina. Tsy ho vita ity asa ity raha tsy ny fiangonana manontolo no manao ny anjarany eo ambanin'ny fitarihana sy ny herin'Andriamanitra. - Pacific Union Recorder, 24 Marsa 1904 (Australasian Union Conference Record, 15 Febroary 1904).