"Tsara ny miandry ny famonjen’i Jehôvah amin'ny fahanginana." - Fit. 3:26.
Mofon’aina:
I Jeremia no anisan'ireo nanantena fifohazana ara-panahy mitohy avy amin’ny fanavaozana nataon'i Josia. Nantsoin'Andriamanitra ho mpaminany izy raha mbola tanora (...) Tao amin'ny fahatanorany dia hitan'Andriarnanitra tao aminy ny fahatokiany sy ny fijoroany ho mahatoky manoloana ny fanoherana lehibe (...) "Aza manao hoe: mbola zaza aho", raha nandidy Hay iraka nofidiny ny Tompo. "Fa handeha amin 'izay rehetra hanirahako anao hianao, ary izay rehetra handidiako anao no hambaranao. Aza matahotra azy ianao; fa momba anao hamonjy anao Aho." - Jer. 1:7,8 (...) Efapolo taona no nitsanganan'i Jeremia nanoloana ny firenena ho vavolombelon'ny fahatokiana sy fahamarinana. Tamin'ny fotoana niaingan'ny fihemorana dia nanome ohatra teo amin'ny fiainany sy ny fombany izy ny amin'ny fivavahana amin'Andriamanitra marina. Eo amin'ny toeran'ny olana tao Jerosalema dia i Jeremia no tsy maintsy vavan'i Jehôvah . -
Noho ny toetrany saro-kenatra sy ny toerana misy azy tsy nanao ahoana loatra, dia efa nikasa ny hilamindamina sy hiaina tsy misy rotoroto, tsy nilana fijoroana mitohy ho an'ity firenena maminy ity izy. Kanefa ny fony dia rotiky ny alahelo noho ny faharavana vokatry ny fahotana (...)
Nampianatra azy lesona momba ny hoe: "tsy an'ny olombelona ny lalan-kalehany, na an’ny mpandeha ny hahalavorary ny dianv" ny fanandraman'ny fahatanorana sy ny fiafaran'ny fiainana nandalovan'i Jeremia. Nianatra nivavaka izy hoe: "Jehovah ô, anaro aho, nefa araka ny antonony ihany; fa tsy amin 'ny fahatezeranao, fandrao hataonao tonga tslnontsinona aho." - Jer. 10: 23,24.
Tamin'ny fotoana niantsoana azy hisotro ny kapoaky ny fanenjehana sy ny fahoriana, ka voatariky ny fijaliany hilaza hoe: "Levona ny faharetako sy ny fanantenako an 'i Jehôvah "- Fit. 3:18, dia tsaroany ny fikarakaran'Andriamanitra teo aminy ka tamim-pandresena no nanambarany fa "Ny famindram-pon’i Jehôvah no tsy nahalany ritra antsika, fa tsy mitsahatra ny fiantrany (..) Jehôvah no anjarako, hoy ny fanahiko, ka dia hanantena Azy aho." (and. 22-24)- CC, t. 237.