"Ny famindram-pon’i Jehovah no hambarako, dia ny fiderana an'i Jehovah araka izay rehetra nataony tamintsika sy ny haben'ny fahasoavana tamin'ny taranak 'Isiraely (..)." Isa. 63:7.
Mofon’aina:
Rehefamamelombelonany fanahy tsy tapaka ny fahatsapana ny famindrampon ' Andriamanitra dia hisoritra eny amin'ny endrika ny fiadanana sy ny fifaliana. Ho hita eo amin'ny fiteny sy ny asa izany. Hanana hery manova ny fon'ny hafa ny fiainana noho ny asan'ny Fanahin'i Kristy ao am-po. (...)
Moa tsy manana antony tokony hiresahantsika momba ny fahatsaran' Andriamanitra sy ny heriny ve isika? Rehefa misy namana manao soa amintsika dia raisintsika ho tombontsoa ny mankasitraka azy ireny noho ny hatsaram-panahiny. Koa tsy vao mainka ve tokony ho fifaliantsika ny misaotra Ilay Namana izay ahazoantsika ny fanomezan-tsoa rehetra sy ny fanomezana tanteraka rehetra isan'andro? Aoka àry hokolokolointsika isam-piangonana ny fahaiza-mankasitraka an'Andriamanitra. Aoka hozarintsika hidera an'Andriamanitra ny molotsika ao an-tokantrano. (...)
Hoy i Davida: "Izaho tia an 'i Jehovah, satria efa nandre ny feon'ny fifonako Izy. Satria efa nanongilana ny sofiny tamiko Izy, dia hiantso aho, raha mbola velona koa. " —Sal. 116:1,2.Noho ny fahatsaram-pon'Andriamanitra amin'ny fihainoany sy ny famaliany nyvavaka ataontsika, dia manana adidy mavesatra isika haneho fankasitrahana ireo soa nataony antsika. Tokony hidera an'Andriamanitra mihoatra noho izay efa ataontsika isika. Ny fitahiana raisina noho ny valim-bavaka dia tokony hankasitrahana avy hatrany. (...)
Mampalahelo ny Fanahin' i Kristy isika rehefa be taraina sy mimonomonona ary ny manome tsiny. Aoka isika tsy hiferin'aina manoloana ny fitsapana toa mahamay ka hanala baraka an'Andriamanitra. Raha raisina ho mpitaiza ny fitsapana rehetra dia hitondra fifaliana. Hampandroso, hanandratra, hahamendrika, ho manitry ny teny sy ny asa tsara ny fiainam-pivavahana manontolo.
Aoka hanjaka ao amin'ny fanahinao ny fiadanan'Andriamanitra, dia hanana hery ianao hiaretana ny fahoriana rehetra, ary ho faly noho ny fahasoavan'Andriamanitra nanome anao fahaiza-miaritra. Derao Andriamanitra, ambarao ny fahatsarany, torio ny heriny. Ataovy izay hahatsara ny rivo-piainana manodidina ny fanahinao (...). Miderà amin'ny fo sy ny fanahy ary ny feo; derao Ilay famonjena ny tavanao, Mpamonjy anao, sy Andriamanitrao. — GAG, t. 325.