"Izay nanolotra ny tenany noho ny fahotantsika, hanafahany antsika amin 'izao miara-belona ratsy fanahy izao, araka ny sitrapon 'Andriamanitra Raintsika." - Gal. 1:4.
Mofon’aina:
Nanisy tetezana nampitohy ny hantsana noforonin'ny fahotana i Kristy tamin'ny nanolorany ny ainy ho an'izao tontolo izao (...). Nofidin' Andriamanitra ity tontolo ity mba ho sehatra isehoan'ny asam-pahasoavany lehibe. Raha nitatao tamin'ity tany ity ny didim-pitsaran'ny fanamelohana noho ny fikomian'ireo mponina tao aminy, raha nitrahotraho ny rahon'ny fahatezerana noho ny fandikana ny lalàn'Andriamanitra, dia nisy feo mitory zava-miafina re tany an-danitra: "imy aho tonga (..) hanao ny sitraponao, Andriamanitra ô" - Sal. 40:7,8. Avy any an-danitra Ilay Mpisolontsika sy antoka ho antsika ary nanambara fa nitondra fanomezana goavana sy sarobidy, dia ny fiainana mandrakizay. Atolotra ho an'izay rehetra hiverina amin'ny fankatoavana ny lalàn'Andriamanitra ny famelan-keloka. Misy anefa ireo izay mandà tsy hanaiky ny "Izao no lazain'i Jehôvah". (...) Mamorona fitsipik'olombelona henjana izy ireo, (...) ary amin'ny fampianarana sy ny ohatra no itarihany ny lehilahy sy ny vehivavy ary ny ankizy mba hanota. Ny didin'olombelona no asandrany ho ambonin'ny lalàn'Andriamanitra. (...)
Ny vahoakan'Andriamanitra sisa, izay mitandrina ny didiny, no hahatakatra ny teny nataon'i Daniela hoe: "haro no hodiovina sy hofotsiana ary hozahan-toetra; fa ny ratsy fanahy kosa mbola hanao ratsy ihany, ary tsy hisy amin 'ny ratsy fanahy hahafantatra, fa ny henchy no hahafantatra." - Dan. 12:10.
Nanambara i Satana fa faritaniny izao • tontolo izao. Eto ny seza fiandrianany, ary raisiny ho mpiandany aminy ireo rehetra mandà tsy hitandrina ny didin' Andriamanitra, dia izay mitsipaka ny fanambarana mazava hoe: "izao no lazain'i Jehôvah". Mijoro eo ambany fanevan'ny fahavalo izy ireo, satria antoko roa ihany no misy eto an-tany. Milahatra eo ambany fanevan'ny mpankatà na eo ambany fanevan'ny tsy mpankatà ny olona.
Mandefa hafatra ho an'ny tontolo iray lavo i Jesôsy ankehitriny. Tiany ny maka ireo "fitaovana" tsy misy antenaina, dia ireo izay efa nampiasain'i Satana, ka ampiasainy ho fanehoana ny fahasoavany ireny. Fifaliana ho Azy ny manafaka azy ireo amin'ny fahatezerana izay efa hianjera amin'ireo tsy mpankatô.- TDG, t. 84.