"Fa maizina hianareo fahiny, fa efa mazava ao amin'ny Tompo kosa ankehitriny; mandehana tahaka ny zanaky ny mazava." - Efes. 5:8.
Momon ai à:
Baikony ny fahazavana mba hamirapiratra eo amin'ny haizina sy hampahazava ny sain' ireo rehetra mibanjina Azy (...), dia izay tia Azy tokoa, izay maneho finoana tsy mihozongozona sy matoky Azy. Mâmirapiratra ao amin'ireo efitrefitry ny saina sy ny tempolin'ny fanahy ny Fahazavany. Fenon'ny fahazavan'ny fahalalana ny voninahitra izay mamirapiratra eo amin'ny tavan'i Jesôsy Kristy ny fo. Ary amin'izany no hananana fahaiza-manavaka ara-panahy. (...)
Mandray fahazavana lehibe kokoa isika rehefa milefitra an-tsitrapo amin'ireo porofon'ny fahamarinana ary mandeha eo amin'ny fahazavana izay mitsilo ny lalantsika. Amin' ny alal an' ny herin'ny fisehoan'ny voninahitr' Andriamanitra no androsoantsika tsy miato ao amin'ny fahatakarana ara-panahy. (...)
Arakaraka ny ifankafantaran' ny olona iray akaiky kokoa amin'i Jesôsy Kristy no hitondrany ny namany amim-panajana sy amim-pahamarinana. Efa nianatra tamin'i Kristy izy, ary manaraka ny oh_atra nasehony amin'ny teny sy amin'ny asa. Amin'ny finoana no ananany firaisana amin'i Kristy. (...)
Nivavaka ho amin'ny firaisan'ireo mpanara-dia Azy i Kristy. Io firaisana io no porofo handresy lahatra an'izao tontolo izao fa efa naniraka ny Zanany mba hamonjy ny mpanota Andriamanitra. Manompo an'i Kristy isika amin'ny fifanehoana fitiavana marina sy madio ary masina. Ireo izay voafidy hanana fifandraisana amin'ny sahan'ny Tompo dia tokony hanana fanoloran-tena, fandavan-tena, fahafoizan-tena; tokony hiaina tsy araka izay mahafinaritra ny tenany izy fa hanao ny sitrapon'ny Mpampianatra. Ireo no hanome voninahitra ny sahan'i Jehôvah.
Fototry ny famonjena tokoa ny fahalalana an'Andriamanitra sy i Kristy. Verivery foana ny andro tsy ianarantsika bebe kokoa momba ny fahamoram-pon'i Kristy sy ny fanetren-tenany. Hahazo ny fanabeazana ambony indrindra ireo izay mianatra amin'i Kristy. Amin'ny finoana sy ny fiankinana amin'ny fahasoavan'i Kristy mahavonjy no itomboany amin'ny fahalalana sy ny fahendrena. (...)
Ireo izay novonjena dia tsy maintsy manao ho andraikiny isan'andro ny handray fahasoavana avy amin'Andriamanitra, ny tsy hihazona izany am-pitiavan-tena fa hizara izany ho fitahiana ho an'ireo mifandray aminy, ary hanampy azy ireo hahazo fanabeazana mikasika ny zavatra ara-panahy. - TDG, t. 135.