December 2025

 "Dia homeko fo iray izy, ary hasiako fanahy vaovao ao anatinareo; ary hesoriko amin'ny nofony n’y fo vato ka homeko fo nofo izy mba handehanany araka ny didiko sy hitandremany ny fitsipiko ka hanarahany izany, ary izy dia ho oloko, ary Izaho ho Andriarnaniny". Ezek. 11:19,20.

 "Fa efa nifidy azy Aho mba handidy ny zanany sy ny taranany mandimby azy hitandreman'ireo ny lalan'i Jehovah hanao izay marina sy mahitsy, mba hitondran 'i Jehovah amin'i Abrahama izay efa nolazainy taminy."– Gen. 18:19.

 "Izy nasandratry ny tanana ankavanan 'Andriamanitra ho Tompo sy Mpamonjy, hanome fibebahana sy famelan-keloka ho an 'ny Isiraely." – Asa. 5:31.

Mofon’aina:
Betsaka ireo izay diso hevitra mikasika ny toetry ny fibebahana. Mihevitra izy fa tsy afaka manatona an'i Kristy raha tsy efa mibebaka aloha, ary izany fibebahana izany no manomana azy handray famelan-keloka. Marina tokoa fa mialoha ny famelan-keloka ny fibebahana; satria ny fo torotoro sy mangorakoraka ihany no hahatsapa fa mila Mpamonjy.

 "Koa samy hotsaraiko araka ny ataonareo avy hianareo, ry taranak 'Isiraely, hoy Jehovah Tompo. Mitodiha, ka mibebaha amin 'ny fahadisoanareo rehetra, dia tsy ho tonga fahatafintohinana mahameloka anareo intsony izany".–Ezek. 18:30.

Mofon’aina:

 "Fa na dia te-hirehareha aza aho, dia tsy ho adala, fa hilaza ny marina; nefa tsy manao izany aho, fandrao misy olona mihevitra ahy ho mihoatra noho izay ahitany ahy na izay andrenesany ny teniko." - 2 Kôr. 12:6.

Mofon’aina:
Tokony ho tahaka an'i Kristy ireo mpanaraka Azy – noho ny   fahasoavan'Andriamanitra dia hamolavola toetra amam-panahy mifandrindra amin'ny foto-kevitry ny lalàny masina izy. Izany no fanamasinana araka ny Baiboly.

 "Fa tsy mahavita na inona na inona hanohitra ny marina izahay, fa hampandroso ny marina kosa. Fa faly izahay, raha malemy izahay, fa hianareo no mahery; ary izao no angatahinay, dia ny fanatanterahana anareo." - 2 Kôr. 13:8,9.

 "Ary hoy ny Tompo: Iza moa no mpitandrin-draharaha mahatoky sy manan-tsaina, izay hotendren'ny tompony hifehy ny mpanompony mba hanome azy anjara hanina amin 'ny fotoana? Sambatra ny mpanompo Izay ho hitan'ny tompony fa, indreo, manao toy izany, raha avy izy." Lio. 12:42,43.

 "Fa izao zavatra izao no nataon'ny tanako. Ka dia ary izao rehetra izao, hoy Jehovah; nefa izao no olona hotsinjoviko, dia izay malahelo sy torotoro fanahy sady mangovitra noho ny teniko. "- Isa. 66:2.