Vakio ny Mar. 12:13-27. Inona no niseho teto, ary inona ny fahamarinana nampianarin'i Jesôsy?
Nitady izay hahazoana an'i Jesôsy amin-javatra iray azony hiampangana Azy, eo anatrehan'ny governora rômanina na eo anatrehan'ny vahoaka, ireo mpitondra fivavahana. Mahakasika ny fandoavan-ketra ny adihevitr'izy ireo tamin'ity indray mitoraka ity. Tamin'izany andro izany sy tao amin'io faritra io, dia azo noheverina ho fikomiana amin'ny fitondram-panjakana rômanina ny fandavana tsy handoa hetra; heloka lehibe tokoa izany.
Niaro an'i Jesôsy tsy ho tratry ny fandrika ny valinteniny mikasika ny hanomezana an'i Kaisara izay azy sy ny hanomezana an'Andriamanitra izay Azy. Nitory fampianarana lalina momba ny andraikitry ny mpino manoloana ny fitondram-panjakana koa anefa izany. "Nambarany fa satria velona teo ambanin'ny fiarovan'ny fahefana Romana izy, dia tokony hamerina amin'izany fahefana izany ny fanohanana takiny, raha mbola tsy mifanohitra amin'ny adidy ambony kokoa izany. Nefa na dia olom-pehezin'ny laiàn'ny tany misy azy aza izy, ary milady filaminana, dia ny fanompoana an'Andriamanitra no tokony hotolorany mandrakariva ny haja voalohany indrindra." - IFM, t. 642.
Ny fanontaniana momba ny fitsanganana amin'ny maty no manaraka izany. Antokona mpisorona izay tsy nandray ho Soratra Masina afa-tsy ireo boky dimy nosoratan'i Mosesy ny Sadoseo; tsy nino ny fitsanganana amin'ny maty izy ireo. Azo heverina fa toe-javatra tsy tena nitranga akory ny tantara nolazainy tamin'i Jesôsy. Tantarana mpirahalahy miisa fito sy vehivavy anankiray izany. Araka ny lalan'i Mosesy, mba hihazonana ny fananana ho eo anivon'ny fianakaviana ihany, rehefa misy lehilahy iray maty kanefa tsy nanan-janaka Iahy dia hampakatra ny vadiny mpitondratena ny rahalahiny ary ny zanaka rehetra izay azo avy amin'izany fatoram-panambadiana izany dia zanak'iiay Iehilahy maty araka ny Ialàna (Deo. 25:5-10).
Nitady izay hampihem-bidy ny fampianarana mikasika ny fitsanganana amin'ny maty ny Sadoseo ka niresaka ny amin'ny safidy ara-môraly mahasanganehana momba izay ho vadin'ilay vehivavy amin'ny fitsanganana amin'ny maty. Notoherin'i Jesôsy tamin'ny valinteny roa miantoana ny tohan-kevitr'izy ireo, ka noresahiny ny momba ny Soratra Masina sy ny fahefan'Andriamanitra. Voalohany dia nolazalazainy ny momba ny fahefana ananan'Andriamanitra amin'ny fitsanganana amin'ny maty ary nambarany fa tsy hisy hampaka-bady any an-danitra. Rehefa izay dia naveriny izay voalaza ao amin'ny Eks. 3:1-22 ho fiarovana ny foto-pampianarana mikasika ny fitsanganana amin'ny maty, andalan-teny izay anambaran'Andriamanitra fa Izy no Andriamanitr'i Abrahama sy i Isaka ary i Jakôba. Nambaran'i Jesôsy ankolaka ny hevitr'izany: hitsangana amin'ny maty ireo, satria tsy afaka ny hijanona ao amin'ny fahafatesana izy ireo raha toa Andriamanitra ka Andriamanitr'i Abrahama sy i Isaka ary i Jakôba, izay maty amin'izao fotoana izao.
Raha misy olona manontany anao hoe: "Fantatrao ve ny fahefan'Andriamanitra?", dia inona no havalinao azy? Nahoana?