Vakio ny IFM, toko 56: "Nitahy ny zaza", sy ny toko 57: "Diso zavatra iray loha hianao".
"Tia zaza mandrakariva Jesôsy . Nekeny ny firaisam-po tamin'ireo zaza ireo sy ny fitiavany niharihary, tsy amboamboarina. Feon-java-maneno teo an-tsofiny ny fiderana feno fankasitrahana teo amin'ny molony madio, ka namelombelona ny fanahiny rehefa nampahorian'ny fifandraisana tamin'ny olona fetsifetsy sy nihatsaravelatsihy lzy. Na taiza na taiza nalehan'ny Mpamonjy dia nisarika ny fitiavana sy ny fahatokian'ny zaza ny endriny tsara fanahy, sy ny fihetsiny malefaka. nitory fahaIemem-panahy."— IFM, t. 547.
"Izay tahaka ilay tovolahy mpanapaka manana toerana ambony nametrahana fitokisana, sy manana fananana be, dia mety mahita fa lehibe loatra ny fandavan-tena amin'ny fahafoizana ny zavatra rehetra mba hanarahana an'i Kristy. Izany anefa no fitsipi-pitondrantena ho an'izay rehetra te-ho mpianany. Tsy misy mahasolo mihitsy ny fankatoavana. Ny fampileferana ny 'Izaho' no votoatin'ny fampianaran'i Kristy. Matetika izany no aseho sy baikoina amin'ny teny toa henjana, satria tsy misy fomba hamonjena ny olona afa-tsy ny fanapahana ny zavatra izay hampitotongana ny tenany manontolo raha kolokoloina." — IFM, t. 557.
FANONTANIANA hifanakalozan-kevitra :
1. Inona ireo fomba hahafahanao manampy ny ankizy sy ny tanora hifandray hatrany amin'i Kristy sy ny fiangonana? Nahoana no zava-dehibe tokoa ny anaovantsika izany?
2. Indraindray isika mandre olona milaza fa tsy ahoany ny vola. Tsy marina izany. Mihevitra ny amin'ny vola avokoa ny olona rehetra, ary tsy misy maha-ratsy izany. Inona anefa no mety ho olana amin'ny vola? Nahoana ny Kristianina mahatoky, na manankarena izy na mahantra, no tsy maintsy mitandrina tsara ny amin'ny toerana omeny ny vola eo amin'ny fiainany?
3. Raha manontany anao i Jesôsy hoe: "Inona no tianao hataoko aminao?", dia inona no havalinao?
4. Saintsaino ilay tenin'i Jesôsy ao amin'ny Mar. 10:43-45. Inona ny hevitr'izany eo amin'ny fiainana? Ahoana no hianarantsika manompo fa tsy tompoina? Midika inona ho antsika izany eo amin'ny fiainantsika sy ny fifandraisantsika amin'ny hafa?