"Tsy niasa irery ireo mpanompon'Andriamanitra mahatoky. Raha nivondrona hamely azy ireo ny fanjakana sy ny fanapahana ary ireo fanahy ratsy eny amin'ny rivotra, dia tsy mba nandao ny olony ny Tompo. Raha mba azo nosokafana mantsy ny mason'izy ireo, dia ho nahita porofo mazava tokoa ny amin'ny fanatrehan'Andriamanitra sy ny fanampiany izy, toy izay nitranga tamin'ny mpaminany iray fahiny. Rehefa nasehon'ilay mpanompony tamin'i Elisa ny tafiky ny fahavalo nanodidina azy ireo tamin'ny fomba izay tsy nisian'ny hirika nahafahan'izy ireo nandositra, dia nivavaka toy izao ilay mpaminany: "Jehôvah ô, mifona aminao aho, ampahirato ny masony mba hahitany' - 2 Mpanj. 6:17. Dia indro feno kalesy sy soavaly afo ilay tendrombohitra; nitoby rnanodidina hiaro ilay lehilahin'Andriamanitra ny tafiky ny lanitra. Toy izany no niambenan'ny anjely ireo mpitory ny filazantsara nomba ny Fanavaozana ara-pivavahana." - GC, t. 208.
"Rehefa nivondrona ny fahavalo mahery handrodana ny finoana nohavaozina, ka toa nisy sabatra an'arivony voatsoaka hamelezana izany, dia izao no nosoratan'i Lotera: 'Mampiseho ny haromotany i Satana, mioko ireo mpitondra fiangonana ambony tsy manana toe-panahy araka an'Andriamanitra; ary manandindona antsika ny ady. Ampirisiho ny vahoaka hitolona amin-kerim-po eo anoloan'ny seza fiandrianan'ny Tompo, amin'ny alalan'ny finoana sy ny fivavahana, mba hahavoatery ireo fahavalontsika resin'ny Fanahin'Andriamanitra, hanaiky ny fandriam-pahalemana. Ny zava-dehibe indrindra ilaintsika, ny tena anton-dahasantsika, dia ny fivavahana. Aoka ho fantatry ny vahoaka fa miatrika ny lelan-tsabatra sy ny faharomotan'i Satana izy izao, koa aoka izy hivavaka'. — D'Aubigne, bokv 10, toko 14.» - HM, t. 213.
Ny fanamarinana amin'ny finoana, ilay fahamarinana lehibe hitan'i Lotera, no fototra iorenan'ny Filazantsara, fahamarinana izay itoeran'ny fanantenantsika famonjena. Milaza mazava toy izao ilay hirany mitondra ny lohateny hoe "A Mighty Fortress": "Raha mitoky amin'ny herin'ny tenantsika isika, dia ho very maina ny ezaka ataontsika, raha tsy Hay Olona tena ilaintsika no eo anilantsika, dia Ilay Olona nofidin'Andriamanitra. Iza izany hoy ianao? I Jesôsy Kristy, Sabaoth ("Tompon'ny maro" na "Tompon'ny tafiky") no anarany, Ilay tsy miova na oviana na oviana, ary Izy no tsy maintsy handresy amin'ilay ady." — Seventh-day Adventist Hymnal (Hagerstown, MD: Review and Herald Publishing Association, 1985), No. 506.
FANONTANIANA hifanankalozon-kevitra:
1. Ahoana no hanazavantsika ny fifandanjana eo amin'ny fahasoavana sy ny lalana, ary eo amin'ny finoana sy ny asa tsara?
2. Nahoana, araka ny hevitrao, no mora foana ny hahalatsaka antsika ao amin'ny fandriky ny fitadiavam-pamonjena amin'ny alalan'ny asan'ny lalana? Ahoana no hamaritanao ny fitandemana ny lalana fatratra mba hovonjena? Nahoana no manimba ny finoantsika Kristianina izany?
3. Raha tsy takatra araka ny tokony ho izy ny foto-kevitry ny "famonjena amin'ny alalan'ny fahasoavana", inona ny loza mety ahiana? Mety hitondra mankaiza izany tsy fahatakarana tsara izany?
4. lnona no tian'ny sasany holazaina amin'ilay teny hoe "fahasoavana mora vidy"? Moa ve mora vidy tokoa fahasoavana?