Hodinihina mandritra ny herinandro: Kol. 3:1-17; Rom. 1:18; Rom. 6:1-7; Efes. 4:22-24; Deo. 7:6-8; 1 Sam. 16:23.
Tsianjery:
"Ary aoka ho ambonin'izany rehetra izany ny fitiavana, fa fehin'ny fahatanterahana izany." - Kôl. 3:14.
Ampirisihina ny olona ankapobeny mba tsy hifantoka loatra amin'ny zava-panahy na ny zavatra any an-danitra, satria tsy mahatsara ny fiainany eto an-tany izany. Na misy maha marina izany aza amin'ny lafiny sasany, dia misy foto-kevitra manan-danja hafa izay asongadin'i Paoly ao amin'ny Kolosiana toko faha-3: raha toa ka misaina be loatra momba ny zavatra eto an-tany isika, dia tsy ho azon'ny Tompo amplasaina amin'ny zava-panahy.
Misarika ny saintsika ho amin'ireo foto-kevitra maro avy any an-danitra, izay azo ampiharina amin'ny fiainana andavanandro i Paoly, ary ireo izay «niara-natsangana tamin'i Kristy» ihany no mahatakatra izany- Köl. 3:1. Torohevitra tsotra sy azo ampiharina tsara eto an-tany no omen'i Paoly izay hanatsara ny fifandraisantsika samy isika, ary tsy eo anivon'ny fiangonana ihany.
Hoy i Jesosy: «Tiava ny fahavalonareo, ary mivavaha ho an'izay manenjika anareo, mba ho tonga zanaky ny Rainareo Izay any an-danitra ianareo; fa Izy mampiposaka ny masoandrony amin'ny ratsy fanahy sy ny tsara fanahy, ary mampilatsaka ny ranonorana amin'ny marina sy ny tsy marina» - Mat. 5:44,45
Toa tsy ho vita izany! Eny tokoa, raha araka ny fijerin'olombelona. Tsy maintsy maty aloha isika vao afaka mivelona marina ho an'Andriamanitra. Izany no antony tsy maintsy hifantohan'ny saintsika amin'ny zava-panahy, raha manantena ny hampiasain Andriamanitra eto an-tany isika.
Ho hitantsika amin'ity herinandro ity fa manova zavatra tokoa ny fiainana miaraka amin'i Kristy, dieny ankehitriny sy mandrakizay.
*Famerenana ny lesona ny sabata 14 Martsa.