Tsy mora ny herinandro nolalovan'ireo mpianatr'i Jesôsy roa. Namerimberina tao an-tsainy ny sasany tamin'ireo zava-nitranga sy ny resaka reny sy nataony izy ireo: ny fidirana tamim-pandresena tao Jerosalema sy ny fanadiovana ny tempoly, ny Paska tao amin'ny efitrano ambony, ny vavaka nataon'i Jesosy tao Getsemane, ny famadihana mahatsiravina nataon'i Jodasy, ny fitsarana, ny fanesoana sy ny kapoka, ny tenan'i Jesosy naratra nihantona teo amin'ny hazo fijaliana ary ny teny farany nolazainy talohan'ny nialany aina, rehefa nanjary maizina ny Ianitra tamin'ny folakandro, ny feon'ny lamba nitriatra tao amin'ny tempi*, ny fasana nisokatra handevenana Hay olo-marina, ny fampidinana moramora ny fatin'i Jesosy avy teo amin'ny hazo fijaliana ary ny nametrahana Azy tao am-pasana mialoha ny Sabata. Teo koa ny fahaverezan-kevitra, ny fahakiviana, ary ireo fanontaniana maro nibosesika tao an-tsain'ireo mpianatra. Ahoana ary no nahadiso hevitra azy ireo toy izany? Diso fanantenana sy kivy ary very hevitra tanteraka ireo mpanara-dia an'i Jesosy. (zany no toe-javatra sarotra sy tsy nampoizina indrindra teo amin'ny fiainany. Tsy hitan'izy ireo fa fotoana kely tsy maharitra akory izany ao anatin'ny tantara lehibe indrindra hatrizay ka hatrizao. Raha nandeha hankany Emaosy ny roa tamin'izy ireo, dia niseho taminy i Jesosy ary niara-nandeha taminy. Vakio ny resaka nifanaovan'izy ireo ao amin'ny Lio. 24:13-27 ary eritrereto ireo fomba fijery roa samy hafa teo: ny an'ireo mpianatra roa, ary ny an'i Jesosy. Raha vao nahiratra ny mason'ireo mpianatra roa lahy dia nihazakazaka nankany Jerosalema izy ireo mba hitantara ny zava-nitranga teny an-dalana (Lio. 24:33-35). Rehefa tonga i Jesôsy ka nitsangana teo afovoan'izy rehetra, dia raiki-tahotra izy ireo. Mariho ny fanontaniana napetrak'i Jesosy tamin'izy ireo: "Nahoana no taitra hianareo? Ary nahoana no miahanahana ny fonareo?" - Lio. 24:38. !zany koa no hafatr'i Jesosy ho antsika ankehitriny. Matetika loatra isika no manadino fa miara-mandeha amintsika eny amin'ireo lohasaha misy antsika i Jesosy. Matetika loatra isika no tsy mahafantatra Azy ary koa manadino fa zava-dehibe kokoa no ao ambadiky ny tantara miseho. Imbetsaka loatra isika no tojo ()liana ka mamela ny fisalasalana hitsiry ao am-pontsika; hadinontsika amin'izany fa mihazona ny fiainantsika amin'ny fomba azo antoka i Jesosy. Ary matetika isika no mihevitra fa mahalala bebe kokoa ny amin'izay tena zava-misy eo amin'ny fiainantsika mihoatra noho i Jesosy (Lio. 24:18). Manome torohevitra mahafinaritra ny Baiboly mikasika ny fomba azontsika Kristianina atao manoloana ireo fihaikana sy fahavoazana eo amin'ny fiainana. Manokana fotoana handinihana ireto andininy fohy ireto: Rom. 8:28; Fil. 4:4-13; Jak. 1:2-4, 12; ary ny 2 icor. 12:9,10. Mandritra ny fianaranao, soraty ny hafatra telo manan-danja izay azonao zaraina amin'olona iray miatrika fahavoazana amin'izao fotoana izao, ka hazony ao an-tsaina ny 2 Kôr. 1:4.
Daty
Alarobia 10 June 2026