Vakio ny toko faha-43 ao amin'ny MM, "llay Mpijery tsy hita maso."
"Navela hanana anjara lehibe eo amin'ny tantara ny firenen-drehetra, mba hiorim-ponenana eto an-tany sy hahita raha tahiny hanatanteraka ny fikasan'ilay Mpijery sy hany Masina izy ireo. Ny faminaniana dia nanamarika ny fahaterahana sy ny fitomboan'ny fanjakan-dehibe toa an'i Babylona, ny Mediana sy Persiana, ny Grika ary ny Romana. Natao taria miverina tamin'izy ireny tsirairay avy, toy ny tamin'ireo firenena tsy dia manao ahoana loatra ny tantara. Samy tsy nahomby tamin'izay nampanaovina azy ny tsirairay ary samy nahita ny fahafonganan'ny voninahitry ny tenany sy ny fahalevonan'ny heriny avy izy. Koa na dia nandà ny fitsipik'Andriamanitra aza ireny firenena ireny ka nahatonga ny fandevonana ny tenany tamin'izany fomba izany, dia nanara-maso hatrany nandritra ny fotoana rehetra ny zava-nokasainy efa novolavolainy ny Tsitoha." - MM, t. 437.
Manara-maso izay ataon'ny mpanefy tanimanga iray i Jeremia ao amin'ny Jer. 18: volavolainy sy ataony araka izay tiany ny tanimanga. Izany sary an'ohatra izany, ny mpanefy mamolavola ny tanimanga eny an-tanany, no ampiasain'Andriamanitra hoenti-manazava ny fitsipiky ny fananan'ny faminanian'ny Baiboly fepetra. Ary mba hahazoany antoka fa takatsika izay ambarany, dia niteny tamin'ny alalan'i Jeremia Izy, nanao hoe: "Vetivety Aho dia milaza firenena sy fanjakana hongotako sy hazerako ary horavako; nefa raha miala amin'ny ratsy izany firenena noteneniko izany, dia hanenenako kosa ny loza izay nokasaiko hamelezako azy. Ary vetivety kosa Aho dia milaza firenena sy fanjakana haoriko sy hamboleko; nefa raha manao izay ratsy eo imasoko izy ka tsy mihaino ny feoko, dia hanenenako kosa ny soa izay nolazaiko hanasoavako azy." Jer. 18:7-10.
FANONTANIANA hifanakalozan-kevitra
1. Eritrereto ny fanambaran'i Jesôsy fa ho mora kokoa ny hahazo an'i Ninive amin'ny fitsarana raha oharina amin'ireo vahoakan'Andriamanitra izay niala tamin'ny fahamarinana (jereo ny Mat. 12:39-42). Inona ny lesona azon'ny fiangonan'Andriamanitra sintonina avy amin'izany fampitandremana izany?
2. Mariho ny fanambaran'i Ellen G. White hoe "nanao taria miverina (...) ny tantara" ao amin'ireo fanjakan-dehibe nifandimby (MM, t. 437). Inona no hitanao fa itovian'ireo fanjakana lehibe voatanisan'ny faminaniana? Ahoana no nanarahan'izy ireo ny lalana nosoritan'ny faminaniana? Ahoana no anarahan'ity tontolo misy antsika ankehitriny ity koa izany lalana izany?
3. Saintsaino izao: tsy ny saina (ny fahatakarana) matetika no mihazona ny olona tsy hino fa ny fo. Inona no mety ho fiantraikan'ny fahafantarana izany eo amin'ny fomba fijoroanao ho vavolombelona amin'ny hafa?