"Raha tsy mandray ny fivavahan'i Kristy amin'ny alalan'ny fihinanana ny Tenin'Andriamanitra isika, dia tsy ho mendrika hiditra ao amin'ny tananan'Andriamanitra. Ny fihinanana ny hanina ara-nofo, ny fanazarana ny fitiavantsika hiompana amin'ny zavatry ny tany, dia tsy hanomana antsika hiditra any arnin'ny lapan'ny lanitra. Tsy ho tiantsika ny rivotra madio sy masina any an-danitra. Tsy hahafa-po antsika ny handre ny feon'ny anjely sy ny hira tendren'ny lokangarlizy ireo. Ho zava-miafina ho an'ny saintsika ny siansan'ny lanitra. Ilaintsika ny ho noana sy mangetaheta ny fahamarinan'i Kristy; ilaintsika ny hovolavolaina sy hamboarin'ny hery miasa manginan'ny fahasoavany izay manova, mba hahatonga antsika ho mendrika hiara-monina amin'ireo anjelin'ny lanitra. (...)
"Amin'izay fotoana izay dia tsy hisy lalana hafa hifehy ny firenena afa-tsy ny lalan'ny lanitra. Ho fianakaviana iray, izay sambatra sy miray saina avokoa izy rehetra, mitafy ny fitafian'ny fiderana sy fisaorana. (...). Amin'izany fotoana izany dia hiara-kihira ireo kintan.ny maraina, ary ny zanak'Andriamanitra dia hanao hobim-pifaliana, raha hiara-manambara toy izao Andriamanitra sy i Kristy: 'Tsy hisy ota intsony, ary tsy hisy fahafatesana intsony.'
"Ilaintsika ny mizatra miresaka momba ny lanitra, ilay lanitra mahafinaritra. Miresaha momba ny fiainana izay haharitra raha mbola velona koa Andriamanitra, dia ho hadinonao ireo fitsapana sy olana. Aoka ny sainao hifantoka amin'Andriamanitra." — FLB, t. 363.
FANO NTANIANA hifanakalozan-kevitra
1. Henoy na vakio ny fahitana nomena an'i Ellen G. White momba ny lanitra ao amin'ny boky Early Writings, tt. 14-20. Inona no tena manaitra anao indrindra ao amin'io filazalazana io?
2. Lafiny inona ao amin'ny lesona mandritra ity telovolana ity no irinao hotadidina indrindra mba hihazonana ny fifandraisanao amin'Andriamanitra ho matanjaka mandra-pahita an'i Jesôsy mifanatrika?
3. Iza eo amin'ny fiainanao no mila mandre momba ny fanantenana ny lanitra? Manapaha hevitra hizara izany aminy haingana araka izay azo atao. Tsarovy: tsy afaka hizara fanantenana amin'ny hafa ianao raha tsy efa manana izany manokana.