NY FANATREHAN'ANDRIAMANITRA TAO AMIN'NY TABERNAKELY
Vakio ny Eks. 40:1-38. Ahoana no nahafantaran'ny Isiraelita ny fanatrehan’Andriamanitra?
Manoritsoritra ny fanokanana ny tabernakely sy ny fanomezana ny Didy Folo ny toko farany ao amin'ny Eksodosy (Eks. 40). Ny fanokanana ny tabernakely no tranga manan-danja indrindra ho an'ny Isiraely tao Sinay.
Ny voninahitr Andriamanitra dia ny fahamasinany, ny toetrany, ary ny fanatrehany feno fitiavana, izay fahatsaram-panahy tanteraka (Eks. 3:5; Eks. 33:18,19). Nameno ny tabernakely ny fanatrehany, ary hita maso toy ny rahona ny voninahitry ny Shekinah. Mifarana amin'ny fanasongadinana ny fanatrehan'Andriamanitra mitarika ny vahoakany ny bokin'ny Eksodosy, dia ny andry rahon'i Jehôvah amin'ny andro, ary ny andry afo amin'ny alina. Natao hahita marina sy mazava ny fisian'Andriamanitra ny vahoaka Hebreo, ary tsy izany ihany fa hahatsapa koa ny fanatrehany akaiky sy mahantra teo am-pitarihany azy ireo.
Nanangana ny tabernakely i Mosesy tamin'ny andro voalohany tamin'ny volana voalohany tamin'ny taona faharoa (Eks. 40:2,17). Nanamasina ny zavatra rehetra momba ny taberankely koa izy - anisan'izany i Arona sy ny zanany izay nohosorana ho amin'ny fisoronana (Eks. 40:9,13-15) tamin'ny alalan'ny diloilo fanosorana. Namakivaky ny Fitoerana Masina Indrindra, ny Fitoerana Masina ary ny kianja izy, ka nanamasina izany rehetra izany ho an'i Jehôvah . Tamin'izany fomba izany no nanombohana ny fanompoana tao amin'ny fitoerana masina manontolo (jereo koa ny Nom. 7:1). Nandritra ny fanokanana ny tabernakely ihany no nahafahan'i Mosesy niditra tao amin'ny Fitoerana Masina Indrindra; taorian'izay kosa dia ny mpisoronabe ihany no afaka nanao fanompoana tao, isan-taona, tamin'ny Andro Fanavotana (Lev. 16:2,17).
Intelo no lazaina ao amin'ny Baiboly fa vita ny asa: (1) tamin'ny faran'ny herinandron’ny Famoronana (Gen. 2:1-3); (2) tamin'ny fahavitan'ny tabernakely, izay nilazana hoe: "Dia vitan'i Mosesy ny asa rehetra" (Eks. 40:33); ary (3) rehefa vitan'i Solomona ny asa tarnin'ny tempoly (1 Mpanj. 7:51).
lo fifandraisana misy eo amin'ny Famoronana sy ny fitoerana masin'ny isiraely io dia manondro izay hitranga rahatrizay, amin'ny fotoana hiarahan'ny Tompo monina amin'ireo voavotra any amin'ny tany vaovao, ao Jerosalema. Vaovao, izay "Tabernakelin’Andriamanitra" (Apôk. 21:2,3; ampitahao amin'ny Apôk. 22:1-4).
Amin'ireo tranga rehetra, nanomboka tamin'ny fahaterahan'i Mosesy, avy eo ny faharesen'ireo andriamanitra egyptianina nandritra ny loza 10, ny fialana tao Egypta, sy ny faharesen'ny tafika egyptianina, ary farany, ny fanambarana nataon Andriamanitra teo an-tendrombohitra Sinay, dia ny fanatrehan'Andriamanitra nameno ny tabernakely (Eks. 40:34) no faratampony.
Amin'ny fomba ahoana no mety hahatsapanao ny fanatrehan' Andriamanitra na dia ankehittiny aza? Nahoana no zava-dehibe ny fahatsapanao izany?