Vakio ny Fit. 1:27-30. Inona no ifandraisan'ny hoe "miray fo hiara-miezaka hampandroso ny finoana ny filazantsara" , sy ny tsy fananan-tahotra?
Ny hampisara-bazana sy ny, hamabo no tetikadin'i Satana. Mahafaty ny fisaratsarahana. Hoy i Jesosy: "raha misy mpiray trano miady an-trano, dia tsy haharitra izany mpiray trano izany." - Mar. 3:25. Tsotra izany foto-kevitra izany, ary mahafaly an'i Satana ny fanadinoantsika azy. Manampy antsika hahatanteraka ny anjara asantsika amin'ny maha vahoaka sisa antsika araka ny faminaniana ao amin'ny Baiboly (Apôk. 12:17) ny firaisantsika, dia ny fitoriana ny "filazantsara mandrakizay (...) amin'izay monina ambonin'ny tany sy amin'ny firenena sy ny fokom-pirenena sy ny samy hafa fiteny ary ny olona rehetra" - Apôk . 14:6. Koa satria zava-dehibe ho army fanatanterahana ny asa nanirahana antsika amimny fanapariahana io hafatra nomen’ Andriamanitra io ny firaisana, ary manantitrantitra ny "fahamarinana" ao amin’ny Tenin’ Andriamanitra ho anisan'ny zava-manan-danja indrindra ho amin>ny firaisana ny vavaka nataomi Jesôsy ao amimny Jao. 17 (Jao. 17:17,19), dia tsy azo sarahina amin>ny iraka tanterahintsika sy ny firaisantsika ny hafatra torintsika. Na miara-mijoro na miara-mirodana ireo toko telo ireo. Na ny anankiray amin'ireo ihany aza no tsy eo, dia tsy hahomby isika. Fa raha manana azy telo kosa isika, dia tsy misy tokony hatahorana. "Tsy ho azon'ny fahavalo ampitahorina na amin'inona na amin'inona" isika Fit. 1:28. Fahavalo efa resy i Satana. Na hatao maty noho ny finoantsika aza isika, dia tsy misy na inona na inona afaka manisy ratsy antsika raha "mazoto amin'izay tsara" isika - 1 Pet. 3:13. Tsy manam-pahefana hampitsahatra ny fandrosoan'ny fahamarinan'Andriamanitra ny devoly.
Vakio ireto andininy manaraka ireto ary fintino vetivety ny lohahevitra iraisan'izy ireo: Mat. 10:38, Asa. 14:22, Rôm. 8:17, 2 Tim. 3:12.
Sarotra ny fiainana eto amin'ity tontolo lava ity, na ho an'izay "tsara indrindra" amintsika aza. Olo-marina i Joba; na ny Baiboly aza nilaza fa "marina sy mahitsy izany lehilany izany sady natahotra an'Andriamanitra ka nifady ny ratsy" - Joba 1:1. Nefa, tao anatin'ny indray alina dia namely azy sy ny ankohonany ny loza. Iza amintsika no tsy mahafantatra, na tamin'ny alalan'ny fanandramana niainantsika manokana na noho ny fahitana izay mania ny hafa, fa ny fiainana eta dia toy ny miaina eo amoron-tevana, ka tsy fantatra velively hoe rahoviana no hianjera? Azo lazaina ho anjaran'ny olombelona rehetra ny fahoriana. Amin’ny farany anefa, aleo miaritra fahoriana noho ny amin'i Kristy toy izay noho ny zavatra hafa.
lnona no fanantenana sy faherezana tokony hananantsika, amin'ny maha Kristianina antsika, eo anivon'ny fahoriana mahazo antsika?