Vakio ny "Teo amin'ny fantsakan'i Jakôba", toko faha-19 ao amin'ny IFM.
"Raha vantany vao nahita ny Mpamonjy ilay vehivavy Samaritana dia nitondra Azy teo amin'ny hafa. Nasehony tamin'izay fa misiônera mahomby noho ireo mpianatr'i Jesôsy izy. Tsy nahita na inona na inona tao Samaria izay mampiseho saha mampirisika hiasa ny mpianatra. Nifantoka tamin'ny asa lehibe hatao ho amin'ny hoavy ny sainy. Tsy hitany fa nanodidina azy akaiky dia nisy vokatra tokony hangonina. Nefa tamin'ny alalan'ilay vehivavy izay nohamavoiny dia tanàna iray manontolo no voatarika hihaino ny Mpamonjy. Nentin-dravehivavy avy hatrany tamin'ny mpiray tanàna taminy ny fahazavana.
lo vehivavy io dia mampiseho ny vokatry ny finoana an'i Kristy, dia finoana tsotra, ary avy hatrany dia miasa amim-pahendrena. Ny tena mpianatra marina rehetra dia teraka ao amin'ny fanjakan'Andriamanitra mba ho misiônera. Izay misotro ny rano velona dia manjary loharanon'aina. Manjary mpanome ny mpandray. Ny fahasoavan'i Kristy ao amin'ny fanahy dia tahaka ny loharano any an'efitra, izay miboiboika mba hampangatsiatsiaka ny rehetra sy hahatonga ireo izay efa ho faty hazoto hisotro ny ranon'aina." - IFM, t. 144, ed. 2023.
FANONTANIANA hifanakalozan-kevitra :
1. Ivereno ao amin'ny kilasy ny valin-teninao tamin'ny fanontaniana farany tamin'ny Alahady. Aoka ianao haneho fahitsiana manoloana izany. Inona avy ireo fady sy hevitra mibahana mialoha ao amin'ny kolontsaina misy anao, izay mety hanembantsembana ny fijoroanao ho vavolombelona amin'ny hafa?
2. Araka ny hevitrao, nahoana i Jesôsy no noraisin'ireo Samaritana tsara nefa nifanohitra tamin'izany no nataon'ireo olony?
3. Raiso ny toeran'ilay vehivavy Samaritana. Misy olon-tsy fantatra tonga sy mampahafantatra azy fa fantany ny tsiambaratelon-dravehivavy miafina indrindra. Ahoana ary no nahalalan'ny olona, indrindra olona tsy fantany, izany zavatra izany? Tsy nahagaga raha toa nahatalanjona azy i Jesôsy. Inona no tokony hambaran'io tantara io amintsika momba ny fahafantaran'Andriamanitra ny momba antsika rehetra, eny fa na ny tsiambaratelo miafina indrindra izay tsy tiantsika ho fantatry ny olona na iza na iza aza? Na eo aza izany, inona no ambaran'izay nataony tamin'ilay vehivavy mikasika ny fomba tiany hatao amintsika, eny fa na dia fantany aza ny tsiambaratelontsika?
4. Inona tamin'ireo lohahevitra resahin'ny filazantsaran'i Jaona izay nianarantsika hatreto no hita teo amin'ny asa nataon'i Jesôsy tamin'ilay vehivavy teo am-pantsakana?