Vakio ny Eks. 12:1-20. Inona avy ireo toromarika manokana nomen'Andriamanitra an'i Mosesy sy i Arona mialoha ny hialan'ny Isiraely ao Egypta?
Mety manantena isika fa hanome toromarika an'i Mosesy sy i Arona Andriamanitra momba ny fandaminana ny fialana ao Egypta, izany hoe, ny fanomanana izay ilaina amin'ny fandosirana, indrindra ho an'ny zokiolona, ny renim-pianakaviana sy ny zaza madinika, ny biby, sy ny sisa. Mahagaga anefa ny toromarika nomen Andriamanitra: ny fomba hankalazana ny Paska no nambarany tamin'izy ireo. Raha lazaina amin'ny teny hafa dia ny amin'ny fiankohofana amin'ny Tompo, izay hamonjy azy ireo, no nasaina nifaritohany. Hanaraka eny ihany ny zavatra hafa rehetra amin'ny fotoany avy.
Tsy maintsy nanomana zanak ondry ny fianakaviana tsirairay, araka izay tokony ho laniny avy, tsy misy very. Ary raha tsy mahalany zanak'ondry iray ny iray trano, dia natao hiara-misakafo amin'ny fianakaviana hafa izy ireo.
Vakio ny Eks. 12:13,14. Inona no hataon'ny Tompo ho azy ireo rehefa tonga ilay loza farany? Maneho inona ara-tm indona izany rehva izany?
Natao hotsarovana isan-taona io fanafahana io, tsy ho fahatsiarovana ny zava-nitranga tamin'ny lasa, izay nataon'Andriamanitra ho an'ny razambeny fotsiny, fa hahatsapan'ny taranaka ankehitriny koa ny fahatanterahan'ny asa fanafahan Andriamanitra azy. Fanandramana vaovao ho an'ny vondrona tsirairay izany.
Manazava ny hevitry ny Paska ny andininy faha-12 sy 13: "handalo" ny Isiraelita ny fitsaran’Andriamanitra, izany hoe ny fandringanana; noho izany. tokony hahatsiaro ny "Paska" izy ireo. Fitambaran'ny teny roa lo teny io (peh'-sakh amin'ny teny hebreo), "mandalo" sy "ambony", satria ny fandringanana "nandalo teo ambonin'ny" tranon'ny Isiraelita, izay nasiana marika tamin'ny ran'ny zanak'ondry ny tolam-baravarana, dia mariky ny fiainana sy ny famonjena.
Natao hampahatsiahy ny Isiraelita tsirairay ny asa mahery sy feno fahasoavana nataon'Andriamanitra ho an'ny vahoakany ny fankalazana ny Paska. Nanampy tamin'ny fahafantarany tsara ny maha-izy azy izany, ary nanisy tombokase ny finoany ara-pivavahana.
Nahoana no tena zava-dehibe ny mahatsiaro mandrakariva ny soa nalaon' Andriamanitra taminao tamin'ny lasa, sy ny matoky fa hanisy soa anao koa Izy amin'ny hoavy?