Raha ny marina, tokony hivavaka isika satria tena tiantsika Andriamanitra, ary tsy haintsika tsotra izao ny tsy hifampizara Aminy ny zava-drehetra eo amin'ny fiainantsika: na ny fifaliana na ny "fandresena" azontsika, na ny enta-mavesatsika na ny fanahiantsika, na ny fangatahantsika izay haintsika isan'andro. "Azontsika atao ny ho akaiky indrindra an'Andriamanitra, ka raha mamely tampoka ny fakam-panahy dia hitodika faingana any Aminy ny saintsika, dia toy ny fitodiky ny voninkazo any amin'ny masoandro. Ento mandrakariva eo anoloanAndriamanitra ny ilainao, ny fifalianao, ny fahorianao, ny fanahianao, ny tahotrao. Tsy hahasasatra na hahavalaka Azy ny anaovanao izany. Tsy hanao tsinontsinona izay ilain'ny zanany Hay mahay manisa ny volon-dohanao. (...) Ny fony feno fitiavana dia mangoraka noho ny fahoriantsika, eny, na dia noho ny fitantarantsika deny aza. Ento eo Aminy ny zavatra rehetra manahirana ny saina. Tsy misy zavatra mavesatra loatra ka tsy ho zakany, satria lzy no mitana izao tontolo izao, izy no manapaka ny raharaha rehetra amin'izao tontolo izao. Tsy misy na Inona na Inona izay momba ny fiadanantsika azo atao hoe kely loatra ka tsy ho hitany. Tsy misy toko ao amin'ny zava-mihatra amintsika azo atao hoe maizina loatra, ka tsy ho voavakiny; tsy misy zava-tsarotra manahirana loatra, ka tsy ho hainy hazavaina. Tsy misy loza mahazo mihatra na dia amin’izay kely indrindra amin'ny zanany aza, tsy misy tebiteby mampijaly ny fanahy, tsy misy fifaliana mahamiramirana, tsy misy fivavahana marina navoaky ny vava, izay tsy voadiniky ny Raintsika izay any an-danitra, na tsy nanaitra Azy niaraka tamin'izay. ( ...) Ny firaisan'Andriamanitra sy ny fanahy tsirairay avy dia miavaka sady feno indrindra, ohatra ny tsy nisy afa-tsy my fanahy my no nanomezany ny Zanany malalany." - DHK, tt. 114,115.
FANONTANIANA hifanakalozan-kevitra
1. Kanto ve sa manasatra no hamaritanao ny vavaka? Inona no nahatonga izany fomba fijerinao izany?
2. Misy hafatra manan-danja maro ao anatin'io lahatsoratra etsy ambony io. Inona amin'ireo hevitra ireo no tena manohina ny fonao?
3. Amin'ireo olona telo nodinihintsika tao amin'ny Baiboly tamin'ity herinandro ity (Daniela, Enoka, ary Mosesy), ny fiainam-pivavahaniza no mitovy indrindra amin'ny anao, nahoana?