"Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesôsy."- Fil. 4:7. Mila fiarovana ny fiainantsika anatiny. Mahaliana fa teny fampiasa eo amin'ny tafika no ampiasain'i Paoly ao amin'ny Fil. 4:7 mifandraika amin'ny fiadanan'Andriamanitra. Ny matoanteny grika (phroureo) dia entina ilazana miaramila miaro ny tanana amin'ny fanafihanlny fahavalo (2 Kol. 11:32; ampitahao amin'ny Asa 9:24). Lafiny iray tena manan-danja amin'ny fiadanana anaty ny fiainana mifanaraka amin'ny sitrapon'Andriamanitra. "Be fiadanana izay tia ny lalàanao; ary tsy misy mahatafintohina azy." - Sal. 119:165.
Vakio ny Fil. 4:8,9. Inona avy ny asa manokana asaina ataontsika eto?
Atombok'i Paoly amin'ny teny hoe "farany" ny Fil. 4:8,9, avy eo mitanisa toetra tsara enina izy, arahin'ny famintinana fohy ary fampirisihana hanaraka ny ohatra nasehony. Mifanaraka tsara amin'ny tontolon-kevitry ny kolontsaina grika-romans tany Filipy io fampirisihana io, izay manasongadina ny soatoavina sy ny oha-piainana tsara. Mahaliana anefa, fa ireo toetra tsara ara-Baiboly no tsindriana eto, izay hita mazava amin'ny tsy nanononan'i Paoly ireo soatoavina grika efatra fototra (ny fahamalinana, ny rariny, ny fahalalana onony, ary ny herim-po). :
1. Marina Tsy kisendrasendra ny hoe manomboka amin'ny toetra fototra ara-Baiboly, dia ny fahamarinana ny lisitra, izay nasongadin'i Jesôsy ("Lazaiko aminareo marina tokoa...') sy ny TV matetika (jereo, ohatra, ny Asa 26:25; Ram. 1:18; 1 Icor. 13:6; 2 Kar. 4:2; Efes. 4:15; 1 Tim.3:15; Jak. 1:18; 1 Pet. 1:22; 1 Jao. 2:21).
2. Manan-kaja — Ny teny grika nadika teto dia manondro toetran'ny tena manokana (ampitahao amin'ny fampiasana izany hafa ao amin'ny 1 Tim. 3:8,11; Tit. 2:2, izay nadika hoe "maotona").
3. Mahitsy — Ity toetra ity dia ny toetran'Andriamanitra feno fahitsiana no mamaritra azy (ampitahao amin'ny fampiasana azy ao amin'ny Fil. 1:7 [marina]).
4. Marina — Fisainana sy asa vokatry ny fahamarinan'Andriamanitra izay anamarinana antsika amin'ny finoana (jereo ny 1 Jao. 3:3).
5. Mahate-ho-tia — Hatsaran-tarehy, toetra kanto hita betsaka eo amin'ny zavaboarin'Andriamanitra.
6. Tsara laza —"Tsara fanahy sy tsara tarehy ary mahalala fomba" (Amplified Bible, Classic Edition AMPC).
Mbola nampian'i Paoly toetra tsara roa fanampiny izany, mba tsy hisy hevitra avy amin'ny fanompoan-tsampy azo ampifandraisina amin'ireo soatoavina ireo: "raha misy hatsaram-panahy, ary raha misy dera" Fil. 4:8, hoy izy, dia natao hisaintsaina zany sotoavin'ny lanitra izany isika. Avy eo, mba hanesorana ny fisalasalana rehetra sy ny mety ho tsy fahatakaran-kevitra, dia miantso antsika i Paoly mba hampihatra izay efa nianarantsika sy noraisintsika sy rentsika ary hitantsika avy amin'ny oha-piainany (Fil. 4:9).