Vakio ny HI. 4:10-13,19. Inona avy ireo tsiambaratelon'ny fiainana feno fifaliana sy fahasambarana ambaran'i Paoly eto?
Rehefa misy toe-javatra tena sarotra mitranga (mosary, aretina, ratra, fatiantoka), dia manomboka misaina momba ny zava-manan-danja marina ny olona ary mifantoka amin'ireo fitahiana izay matetika tsy noraharahaina. Rehefa mietry isika, ao anatin'ny fahantrana, na saika tsy manana na inona na inona intsony (Fil. 4:12), dia eo no fotoana mampitsiry ny finoantsika.
Rehefa miaina anatin'ny "fananam-be" kosa isika, dia tokony hahatsiaro mandrakariva fa mety hanjavona ao anatin'ny indray mipi-maso izany (jereo ny Ohab. 23:4,5). Araka ny ampahatsiahivin'i Joba sy i Paoly antsika, dia tsy nitondra na inona na inona ho amin'izao tontolo izao isika rehefa teraka, ary tsy hitondra na inona na inona miaraka amintsika any am-pasana (Juba 1:21; 1 Tim. 6:7).
Mariho ireto teny fikasana ao amin'ny Baiboly ireto:
• Sal. 23:1 — "Jehôvah no Mpiandry ahy, tsy hanan-java-mahory aho."
• Mat. 6:32 — "Fantatry ny Rainareo Izay any an-danitra fa tokony ho anareo izany rehetra izany."
• 1 Pet. 5:7 — (fAty apetraho aminy ny fanahianareo rehetra; fa Izy no miahy anareo.»
• Fil. 4:19 — aFa Andriamanitro hahatanteraka izay rehetra tokony ho anareo araka ny hareny amin'ny voninahitra ao amin'i Kristy Jesôsy.
Ary ity no tsara indrindra amin'izany rehetra izany: aMahay s zavatra rehetra aho ao amin'llay mampahery ahy.» - Fil. 4:13. Tsy misy amintsika angamba mahatakatra tanteraka izay tiana ambara amin'ny hoe «ny zavatra rehetra». Azo antoka fa tahaka ny amin'ny fangatahantsika fanampiana sy hery avy amin'Andriamanitra, dia tsy maintsy mangataka araka ny sitrapony isika. Matetika anefa no tsy mangataka zavatra izay fantatsika fa mifanaraka amin'ny sitrapony akory isika. (zany no mahatonga ny Jak. 4:2 milaza hoe: "tsy manana hianareo, satria tsy mangataka."
Ireto misy zavatra vitsivitsy azontsika angatahina amin-toky satria fantatsika fa mifanaraka amin'ny sitrapon'Andriamanitra izany: • Famonjena ho an'ny olon-tiana na namana (1 Tim. 2:3,4)
• Herim-po hizarana ny finoantsika (Apok. 22:17) • Famelan-keloka rehefa miaiky sy miala amin'ny ratsy natao (1 Jao. 1:9)
• Hery hankatoavana ny didin'Andriarnanitra (Heb. 13:20,21) • Fitiavana ho an'ireo izay mankahala sy mampijaly antsika (Mat. 5:44) • Fahendrena hiatrehana toe-javatra sarotra (Jak. 1:5)
• Fahatakarana ny fahamarinana ao amin'ny Tenin'Andriamanitra (Jao. 8:32)
Ahoana no ataonao raha misy zavatra izay efa nangatahinao tamin'Andriamanitra nefa tsy mbola azonao, na mety tsy ho azonao mihitsy?