NY ANJARA ASA TANAN'NY LALAN'ANDRIAMANITRA.
Mampiseho ny toetran'Andriamanitra ny lalany. Koa satria masina sy marina ary tsara Andriamanitra, dia toy izany koa ny didiny. Manamafy izany i Paoly: "Ka dia masina tokoa ny lalana, ary masina ny didy sady marina no tsara." - Rom. 7:12.
Fomba fijery miabo no ijerena ny lalan'Andriamanitra ao amin'ny Baiboly (Mat. 5:17,18; Jao. 14:15; 1 Kôr. 7:19). Azo atao ny manoratra tononkalo mahakasika ny lalana (toy ny Sal. 119), mihira momba ny lalana (Sal. 19) ary misaintsaina izany andro aman'alina (Sal. 1:2; Jos. 1:8). Manampy ny olona amin'ny fanalavirana ny faharatsiana ny lalana ary manolo-pahendrena sy manolo-pahalalana; mitondra fahasalamana sy firoboroboana ary fiadanana koa izany (Deo. 4:1-6; Ohab. 2-3).
- Toy ny fefy ny lalàn'Andriamanitra, izay manome antsika toerana malalaka iainana ary koa mampitandrina antsika fa ny fihoarana izany dia midika ho loza mananontanona ary koa olana sy toe-java-tsarotra, eny mety ho fahafatesana mihitsy aza (Gen. 2:16, 17; Jak. 2:12).
- Takela-by manondro an'i Jesosy Ilay mamela ny helotsika sy manova ny fiainantsika koa ny lalàna (2 Kôr. 5:17; 1 Jao. 1:7-9). Amin'izany no itarihany antsika hankeo amin'i Kristy, toy ny paidagogos, mpikarakara/mpiambina (Gal. 3:24).
Vakio ny Jak. 1:23-25. Inona no ambaran'ireo andalan-teny irea, ary ahoana no anampiany antsika hahatsapa ny anjara asan'ny lalana sy ny lanjany, na dia tsy afaka mamonjy aza Izany?
Afaka mampiseho izay tsy mety eo aminao ny fitaratra, saingy tsy misy na inona na inona azony atao anesorana ireny tsy fetezana ireny. Mampahafantatra ny olana ny fitaratra saingy tsy manome vahaolana hamahana izany. Tahaka izany koa ny lalan'Andriamanitra. Ny fiezahana hahazo ny fanamarinan Andriamanitra amin'ny alalan'ny fitandremana ny lalàna dia sahala amin'ny fibanjinana ny fitaratra noho ny fanantenana fa na ho ela na ho haingana dia hanaisotra izay tsy mety eo aminao izany.
Ny finoana no ahazoana famonjena fa tsy ny asa anisan'izany ny asan'ny lalána. Izany no mahatonga ny Kristianina sasany hilaza fa efa foana ny lalàna ka tsy ilaintsika intsony ny mitandrina azy. Ny fiheverana toy izao dia fahadisoan-kevitra mahakasika ny fifandraisan'ny lalana sy ny filazantsara: ny lalàna no mamaritra ny "fahotana" koa "tsy nahalala ota aho, raha tsy tamin'ny lalana." Rôm. 7:7. Ny fisian'ny lalàna indrindra mantsy no antony mahatonga antsika mila ny filazantsara.
Hatralza ny fahombiazanao teo amin'ny fiezahanao hankatò ny lalàn'Andriamanitra? Ampy mba hanorenana ny famonjena anao eo ambonin'ny lalana ve izany? Raha tsia, nahoana lanao no mila ny filazantsara?