Vakio ny Kol. 1:26,27. Indroa i Paoly no miresaka momba ny "fahagagana". Fahagagana inona?
Milaza momba ny «zava-miafin'Andriamanitra» koa i Paoly any an-kafa, izay fikasan Andriamanitra mandrakizay «voatendry ho voninahitsika talohan'ny nanaovana izao tontolo izao» - 1 Kôr. 2:7, ary nambara tamin'ny alalan'ny drafi-pamonjena. Miresaka momba io fahamarinana io i Petera, toy ny zavatra efa nandrandrain'ny mpaminany sy «tian'ny anjely hodinihina>> 1 Pet. 1:10-12. Voavolavola izany "fony tsy mbola ary ny fanorenan'izao tontolo izao" 1 Pet. 1:20, ary «voafina hatry ny fony fahagola» Rôm. 16:25. Na Izany aza, tamin'ny alalan'ny fiainan'i Kristy sy ny fahafatesany ary ny fitsanganany tamin'ny maty, dia nampahafantarina izany (2 Kor. 3:14).
Ahoana no anazavan'ireto andininy manaraka ireto ny lafiny isan-karazany amin'ny drafi-pamonjena?
1. Efes. 1:7-10 …………………………..…………………………..…………………………..…………………………..
2. Efes. 3:3-6 …………………………..…………………………..…………………………..…………………………..
Amin'ny farany dia hatambatra ho iray tanteraka ao amin'i Kristy «ny zavatra rehetra" any an-danitra sy etý an-tany. Izany no antom-bavak'i Kristy ao amin'ny Jao. 17. Zava-miafina ny fomba hahatanterahan'izany mandra-pahatonga ny fotoana nanambarana azy tamin'ny alalan'ny filazantsara.
Ho fianarantsika mandritra ny mandrakizay ny antony itiavan'Andriamanitra antsika ka nanomezany an'i Jesosy, Ilay harenan'ny lanitra sarobidy indrindra, ho famonjena antsika. Izao kosa no fantatsika tsara: Maty i Kristy «hamonjy ny olona rehetra (...), mba tsy ho velona ho anny tenany intsony izay velona, fa ho an'lzay efa maty sy nitsangana hamonjy azy» - 2 Kôr. 5:15. Noho izany, izay rehetra mino an'i Kristy, na Jiosy na Jentilisa, dia samy manana ny teny fikasan'Andriamanitra amin'ny alalan'ny filazantsara ary natambatra ho tena iray, dia ny fiangonana.
Ny hoe "Kristy ao anatinareo» - Kôl. 1:27, dia manondro ny fitoeran'i Kristy ao am-po amin'ny alalan'ny finoana (Efes. 3:17; ampitahao amin'ny Gal. 2:20). lo firaisana ara-panahy amin'i Kristy io no mahatonga ny mpino «hiara-mipetraka any an-danitra" na dia ankehitriny aza (Efes. 2:6), sy hanandrana «ny herin'ny fiainana ho avy» - Heb. 6:5. Efa manomboka mampiray antsika amin'ny lanitra i Kristy amin'ny alalan'ny fanatrehany eo amin'ny fiainantsika. Ny filazantsara miasa ao am-pon'ny mpino no «nampahamendrika antsika hanana anjara amin'ny lovan'ny olona masina eo amin'ny mazava». - Kol. 1:12.