Vakio ny Joda 3,4. Inona no fampitandremana eto ary ahoana no nampiharana izany tamin'ny fiangonana kristianina taty aoriana?
Ny bokin'i Joda dia nosoratana nialoha kelin'ny taona 65 TrK ho an'ireo Kristianina mahatoky izay "malala ao amin'Andriamanitra Ray sy voatahiry ho an'i Jesôsy Kristy" (Joda 1). Ireo mpino mahatoky ireo dia nanarina mba "hiezahanareo mafy hiaro ny finoana izay efa voatolotra indray mandeha monja ho an'ny olona masina. Fa misy olona sasany efa niditra misokosoko (...) izay mamadika ny fahasoavan'Andriamanitsika ho fijejojejoana"-Joda 3, 4. Nanan-danja lehibe tamin'ireo mpino tamin'ny Vanim-potoana Antenantenany io fananarana io rehefa nibosesika niditra tao amin'ny fiangonana ny fomba fanao jentilisa ary natao tsinontsinona ny Tenin'Andriamanitra noho ny amin'ny lovantsofin'olombelona. Nandritra ny taonjato maro dia olona marobe toy ny Vaudois no nijoro ho mpiaro ny fahamarinan'ny Soratra Masina. Ninoan'izy ireo fa i Kristy no hany Mpanalalana ho azy ary ny Baiboly no hany loharanon-keriny. "Tamin'ny fotoan'andro rehetra dia nisy vavolombelona ho an'Andriamanitra, dia olona izay nankamamy ny finoany an'i Kristy Ilay hany Mpanalalana amin'Andriamanitra sy ny olombelona, ary nitana ny Baiboly ho hany fitsipiky ny fiainany sy manamasina ny Sabata marina." — HM, t. 61.
Vakio ny Apôk . 2:10. Inona ny teny fikasana omen'Andriamanitra ireo izay mahatoky Aminy eo anatrehan'ny fahafatesana?
Nosoratana ho an'ny fiangonan'i Smyrna ireo teny ireo. lray amin'ireo andriamanitra mpiaro ny tanana i Dionysos, ilay andriamanitry ny lanonana sy ny fahavokarana. Rehefa maty ireo pretran'i Dionysos dia nisy satroboninahitra napetraka teo an-dohan'izy ireo nandritra ny fandevenana. Mampifanohitra io satroboninahitra eto an-tany apetraka eo an-doha amin'ny fotoana ahafatesana io amin'ny satroboninahitry ny fiainana apetraka eo an-dohan'ireo izay mandresy ny herin'ny ratsy i Jaona. Omena ireo izay niaritra fizahan-toetra, fahasarotana samihafa, fijaliana ary fahafatesana noho ny amin'i Kristy ny satroboninahitry ny fiainana.
Ny satroboninahitry ny fiainana no nandrisika ireo mpino mahatoky ireo hiaritra fahafatesana noho ny amin'i Kristy. Mandrisika ny mpino ao anatin'ny toe-java-tsarotra mandrakariva ny satroboninahitry ny fiainana. Izany no nandrisika ireo Vaudois tao anatin'ny fanaintainana sy ny fanenjehana. Fantany fa hahita an'i Jesôsy izy ireo indray andro any ka hiara-monina Aminy mandrakizay. Ho antsika koa izany satroboninahitry ny fiainana izany: mety mandalo fitsapana isika amin'izao fotoana izao saingy misy satroboninahitry ny fiainana miandry antsika raha mibanjina an'i Jesôsy mandrakariva isika.
Inona no mampahery anao ao anatin'ny fotoan-tsarotra? Inona no mampatahotra anao? Inona ny teny fikasana azonao takina amin'ireo fotoana ireo?