Hodinihina mandritra ny herinandro: Sal. 136; Sal. 51; Sal. 130; Sal. 113; Sal. 123.
Tsianjery: "Hidera Anao eny amin'ny vahoaka aho, Tompo ô, hankalaza Anao eny amin'ny firenena aho. Fa lehibe mihatra amin'ny lanitra ny famindram- ponao, ary mihatra amin'ny rahona ny fahamarinanao."- Sal. 57:9,10.
Tsapan'ny mpanao Salamo fa mahantra ara-panahy izy ireo ary tsy manan- javatra tsara hatolotra an'Andriamanitra. Izany hoe, tsy manana na inona na masin'Andriamanitra izy (Sal. 40:17). Takany fa mila fahasoavana izy, tahaka antsika rehetra, dia ny fahasoavan'Andriamanitra.
Raha fintinina, dia mila ny filazantsara izy ireo.
Asongadin'ny Salamo fa miankina tanteraka amin'ny famindram-pon' Andriamanitra ny olona. Soa ihany fa maharitra mandrakizay ny famindram- pon'Andriamanitra. Eo amin'ny Famoronana nataony sy ny tantaran'ny vahoakany no ahitana ny porofon'izany (Sal. 136). Mihelina tahaka ny ahitra ny fiainan'ny zanak'olombelona eo anatrehan'ilay Andriamanitra mandrakizay, kanefa miantra ny olona Andriamanitra ary manavao ny heriny (Sal. 103:3, 5, 15) ary ao Aminy no ananan'izy ireo ny teny fikasana ny amin'ny mandrakizay.
Ny fahatokian'Andriamanitra amin'ny Fanekeny no fampaherezana ho an'ny vahoakany. Ny fitalahoan'ny olona, na dia ao anaty fahaporetana aza izany indraindray, dia feno fanantenana satria miantefa amin'ilay Rainy any an-danitra izay mangoraka azy (Sal. 103:13; Sal. 68:5; Sal. 89:26). Ny fanandramana vaovao momba ny fahasoavan'Andriamanitra sy ny fitiavany no manamafy ny fanapahan-kevitr'izy ireo hiankohoka Aminy sy hanompo Azy fa tsy hanao izany amin'ny olona na zavatra.