Hodinihina mandritra ny herinandro: Mar. 15; Lio. 13:1; Sal. 22:18; Jao. 20:24-29; Jao. 1:1-3; Dan. 9:24-27.
Tsianjery: "Ary tamin'ny ora fahasivy Jesôsy dia niantso tamin'ny feo mahery ka nanan hoe: Eloy, Eloy, lamà sabaktany! lzany hoe, raha adika: Andriamanitro ô, Andriamanitro ô, nahoana no dia mahafoy Ahy Hianao?" - Mar. 15:34.
Mitana anjara toerana manan-danja ny "fanesoana" manerana io toko io. Noho ny amin'izany, dia mahasoa ny hamaritana ny atao hoe "fanesoana".
Ahitana singa telo matetika ao anatin'ny "fanesoana": (1) ny hevitra roa sosona ao anatin'ilay teny, (2) mifanohitra ireo hevitra roa ireo, (3) tsy hitan'ny olona ny hevitra roa ao ambadiky ny teny ary tsy fantany ny zava-mitranga no sady tsy fantany fa izy no hiharan'ny vokatr'izany.
Amin'ity herinandro ity, dia feno "fanesoana" maharary ny toko, manomboka amin'ny fanontanian'i Pilato: "Hianao va no Mpanjakan'ny Jiosy?" ka hatramin'ny fanarabian'ireo miaramila, ny famantarana teo ambonin'ny hazo fijaliana sy ny fanesoesoan'ireo mpitondra fivavahana hoe: "namonjy ny sasany izy, fa ny tenany tsy hainy vonjena", ary ny fisehoana tsy nampoizin'i Josefa avy any Arimatia. Ireo no naneho ny fahamarinana miezinezina momba ny fahafatesan'i Jesôsy sy ny hevitr'izany.