Vakio ny Mar. 13:14-18. Ahoana no ahafantarana ny tian'i Jesôsy hambara amin'ny hoe "fahavetavetan'ny fandravana"?
Tonga eo amin'ny teboka manan-danja mikasika' ny faharavan'i Jerosalema i Jesôsy ao amin'ny Mar. 13:14. Miresaka momba ny "fahavetavetan'ny fandravana" lzy. Nambaran'ny Tompo fa tokony hahatakatra ny mpamaky. Nampitodika ny sain'ireo mpianatra amin'ny bokin'i Daniela lzy tamin'ireo teny ireo. Hita ao amin'ny Dan. 9:27, Dan. 11:31 ary ny Dan. 12:11 mantsy ireo teny ireo, ary koa ao amin'ny Dan. 8:13.
Vakio ny Dan. 9:26,27. Iza ilay "voahosotra", ary iza ilay "mpanjaka izay ho avy"?
Ny teny hebreo hoe me'iab (Mesia amin'ny teny malagasy) no ilay "voahosotra" ao amin'ny Dan. 9:26. Rehefa halalinina tsara ny Dan. 9:24-27 dia mazava fa manondro an'i Jesôsy Kristy ilay ho avy io voahosotra io.
Iza moa ilay "mpanjaka izay. ho avy", izay mitondra fandravana ho an'ny tanànan'i Jerosalema? Ny jeneraly rômanina Titosy no nandrava ny tanàna. Toa lôjika, araka izany, raha izy no "mpanjaka izay ho avy' resahin'ny Dan. 9:26,27. Mifandray ireo olona roa ireo satria izay natao tamin'ny Mesia no niantso ny fitsarana ho amin'ilay tanàna.
Inona àry izany "fahavetavetan'ny fandravana" izay nambaran'i Jesôsy, araka ny voalazan'i Daniela, izany? Indrisy fa manam-pahaizana maro no mihevitra fa ny fandotoan'i Antiochus Epiphane ny tempoly tamin'ny taonjato faharoa TIK no tondroina amin'izany fahavetavetana izany. Tsy izany anefa no izy. Nambaran'i Jesôsy fa toe-javatra hiseho aoriany izany "fahavetavetan'ny fandravana" izany, ka tsy azo heverina ho manondro toe-javatra tamin'ny taonjato roa talohan'ny asa fanompoan'i Kristy mihitsy izany.
Tsy inona no notondroin'ny fahavetavetan'ny fandravana fa ny fananganana ny fanevan'ny Rômanina jentilisa tao Isiraely nandritra ny fanaovana fahirano an'i Jerosalema tamin'ny faramparan'ny taona 60 TrK. Izany no famantarana ny amin'ny tokony handosiran'ny Kristianina, ary nanao izany tokoa izy ireo. Tahaka izay efa nanambaran'i Jesôsy azy mialoha dia rava tokoa i Jerosalema.
Ahoana no hianarantsika mitoky Aminy sy ny Baiboly amin'ireo fanambarana mialoha rehetra voalazany?