"Fa izay tsy hain'ny lalàna, satria nofo ny nahalemy azy, dia vitan'Andriamanitra tamin'Izy naniraka ny Zanany, naka ny endriky ny nofo ota sy ny amin'ny ota, ka nanameloka ny ota tao amin'ny nofo." - Rôm. 8:3.
Mofon’aina:
Tsy maintsy arovana amin'ny alalan'ny , lalàn'Andriamanitra ny fahasambaran'ny olom-belona. Ny fankatoavana ihany no mety hahitan'izy ireo ny fahasambarana marina. Ny lalàna no fefy napetrak'Andriamanitra manodidina ny tanim-boaloboka. Voaro amin'ny ratsy izay mankatà azy. Nanaraka ny lalàn'ny tenany i Adama rehefa nandika lalàna. Tonga andevo izy rehefa tsy nankatô. Toy izany no nidiran'ny singa mpanakorontana tao anatin'ny olombelona, avy amin'ny fitiavan-tena. (...)
I Kristy no maneho ny tena fenitra marina. Mety ho tafaray indray amin' Andriamanitra ny olombelona noho i Kristy. Tonga Izy mba hiharan'ny fanamelohana ho faty tokony ho an'ny mpandika lalàna. Tsy misy fitsipiky ny lalàna azo ovana na dia iray aza mba hanomezana fahafaham-po ny olona, na lahy na vavy, ao anatin'ny fahalavoany; izany no nahatonga an' i Kristy nanolotra ny ainy ho azy ireo, mba hiharan'ny sazin'ny tsy fankatoavana eo amin'ny toeran'izy ireo. Izay ihany no fomba azo namonjena ny olombelona, sy hany fomba nahazoana nanaporofo fa azon'izy ireo atao ny mitandrina ny lalàna. Tonga teto an-tany i Kristy ary nijoro teo amin'ny toeran'i Adama, ka nandresy teo amin'izay tsy nahombiazany. Natao ho fahendrena, fahamarinana, fahamasinana, ary fanavotana ho antsika Izy. (...)
Talohan'ny nanorenana izao tontolo izao no efa nanome toky i Kristy fa hanolotra ny ainy ho avotraraha sanatria hivadi-pitokisana amin'Andriamanitra ny lehilahy sy ny vehivavy. Naneho ny fitiavany Izy tamin'ny nampietreny ny tenany ka nidinany avy any an-danitra mba hiasa etS, anivontsika olombelona lavo (...). Tsy afaka niatrika ny fahavalo tamin'ny herin'ny tenany izy ireo. Natolotr'i Kristy ho an' ireo izay mibebaka sy mitandrina ny lalàn'Andriamanitra ny Tenany sy izay rehetra nananany, ny voninahiny sy ny toetrany. Izany no hany fanantenana ho azy ireo. Nilaza mazava i Kristy fa tsy tonga handrava ny lalàna. "Io no fanehoana ny toetran'Andriamanitra, ary tonga Aho hanatanteraka izay rehetra voasoratra ao. Tonga Aho hanamarina izany eo amin'ny fiainako maha-olombelona Ahy, hanome ohatry ny fankatoavana tanteraka." — ST, 13 Jona 1900.